Вы тут

Студэнты БДУІР справілі напярэдадні свята горада наваселле


Новы, ужо восьмы па ліку вучэбна-лабараторны корпус, які размясціўся па вуліцы Казлова, 28, уяўляе сабой будынак плошчай у тры тысячы квадратных метраў з адмыслова створаным безбар'ерным асяроддзем.


— Калісьці нам давялося паўдзельнічаць у сур’ёзнай схватцы за гэты ўчастак у цэнтры сталіцы: на яго прэтэндавалі многія структуры і суб’екты гаспадарання. Але пры падтрымцы кіраўніцтва Міністэрства адукацыі і тагачаснага мэра горада Міхаіла Паўлава, ён дастаўся усё ж такі нам, і мы пачалі яго асвойваць, — расказаў журналістам падчас урачыстай цырымоніі адкрыцця новабудоўлі рэктар БДУІР Міхаіл БАТУРА. — Аб’ект быў уключаны у дзяржаўную інвестыцыйную праграму і пачынаў узводзіцца за бюджэтныя сродкі, але ў 2014 годзе фінансаванне па эканамічных прычынах спынілася і дабудоўвалі мы яго ўжо за кошт уласных сродкаў.

Чым унікальны новы корпус? Тут сканцэнтраваныя самыя сучасныя інавацыйныя  адукацыйныя тэхналогіі: ёсць цэнтр відэаканферэнц-сувязі і анлайн-заняткаў для слухачоў факультэта інавацыйнай і бесперапыннай адукацыі, якія навучаюцца дыстанцыйна. У корпусе ўжо пачалі работу структурныя падраздзяленні Інстытута перападрыхтоўкі і павышэння кваліфікацыі і навукова-даследчая частка. У будынку ёсць 13 лекцыйных залаў і аўдыторый, 3 навучальныя лабараторыі, сем камп'ютарных класаў. Пераехаў сюды і студэнцкі бізнес-інкубатар, пад які адвялі пяты паверх: для крэатыўнай моладзі арганізавалі 10 пляцовак, якія ўяўляюць сабой сучасныя кабінеты з мэбляй і аргтэхнікай.

Конкурсны адбор ужо прайшлі шэсць рэальных праектаў, кожны з якіх курыруецца ментарам — супрацоўнікам кампаніі-рэзідэнта ПВТ, прадстаўніком кафедры ўніверсітэта альбо спецыялістам Акадэміі навук.

— IT-галіна развіваецца вельмі імкліва і фарміруе попыт на высакакласных інжынераў і  праграмістаў. Калі мы хочам, каб Беларусь стала IT-краінай, неабходна павялічваць колькасць спецыялістаў, здольных генерыраваць новыя ідэі і канкурыраваць на міжнародных рынках, — падкрэсліў Міхаіл Батура. — А БДУІР мае велізарны вопыт у падрыхтоўцы такіх кадраў…

Ва ўрачыстай цырымоніі адкрыцця новага корпусу БДУІР узялі ўдзел міністр адукацыі Ігар Карпенка, дырэктар Дэпартамента кантролю якасці адукацыі Міністэрства адукацыі Уладзімір Здановіч, генеральны дырэктар будтрэста № 7 Барыс Шэрман і яго намеснік Аляксандр Каваротны.

Надзея НІКАЛАЕВА

Фота Надзеі БУЖАН

Дадаць каментар

Выбар рэдакцыі

Грамадства

На працягу стагоддзя «Звязда» застаецца зоркай беларускай перыёдыкі

На працягу стагоддзя «Звязда» застаецца зоркай беларускай перыёдыкі

Пра гэта ўчора казалі высокія госці на ўрачыстым мерапрыемстве, прымеркаваным да юбілею газеты.

Спорт

Анастасія Марыніна: Баскетбол 3х3 — гэта заўсёды відовішча

Анастасія Марыніна: Баскетбол 3х3 — гэта заўсёды відовішча

Гэта адзін з нямногіх гульнявых відаў спорту, што былі ўключаны ў праграму ІІ Еўрапейскіх гульняў. 

Грамадства

«Захад-2017». Постфактум

«Захад-2017». Постфактум

Задачы сумеснага стратэгічнага вучэння выкананы на высокім узроўні.

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.