Вы тут

Кітайская мова выйдзе за сцены сталічных школ


Цэнтр кітайскай культуры і пісьменства ўрачыста адкрыўся ў сталічнай гімназіі №12.

У падарунак ад пасольства Кітайскай Народнай Рэспублікі ў Рэспубліцы Беларусь навучальная ўстанова атрымала сучасны камп'ютарны клас.


Класы па вывучэнні кітайскай мовы з'явіліся ў 12-й гімназіі адзінаццаць гадоў таму, а сёлета адбыўся першы выпуск навучэнцаў, якія пачалі спасцігаць азы мовы Паднябеснай з першага класа.

Сёння 150 дзяцей з 3-га па 11-ы клас вывучаюць кітайскую мову як першую замежную і каля 200 вучняў асвойваюць яе факультатыўна.

Гімназісты з'яўляюцца пераможцамі алімпіяд і шматлікіх конкурсаў па кітайскай мове, напрыклад фестывалю «Дыялог культур», конкурсу «Акно ў Паднябесную» і іншых. Навучэнцы ездзяць па абмене ў Кітай. Зусім нядаўна яны адпачывалі ў міжнародным летнім лагеры ў Пекіне. Установа часта прымае гасцей з пасольства КНР у Беларусі. Тут працуюць і выкладчыкі з Кітая. У адукацыйным працэсе выкарыстоўваюцца як айчынныя, так і кітайскія дапаможнікі. А некалькі гадоў таму ў абітурыентаў з'явілася магчымасць здаваць па кітайскай мове ЦТ.

— Сёння, калі ў нас павялічваецца тавараабарот з Кітайскай Народнай Рэспублікай, калі мы актыўна развіваем інвестыцыйную дзейнасць у рамках праграмы «Вялікі Шаўковы шлях» і стварэння парка «Вялікі камень», кітайская мова становіцца надзвычай актуальнай для ажыццяўлення эканамічнай дзейнасці, — адзначыў падчас урачыстай цырымоніі адкрыцця цэнтра міністр адукацыі Ігар Карпенка.

Сумесна з КНР у нас рэалізуецца шэраг адукацыйных праектаў. Зусім нядаўна адбыўся візіт міністра адукацыі Кітая ў нашу краіну. Гэта быў першы візіт за ўвесь час суверэннага развіцця Беларусі. Тады ў межах форуму рэктараў вышэйшых навучальных устаноў быў падпісаны шэраг пагадненняў у галіне адукацыі, якія закранаюць не толькі пытанні вывучэння кітайскай мовы, але і сумесныя навуковыя даследаванні, адукацыйную дзейнасць з выдачай двайных дыпломаў, шырокі спектр стажыровак як кітайскіх, так і беларускіх студэнтаў.

— Задача сістэмы адукацыі — стварыць умовы для таго, каб кітайская мова вывучалася, каб яна была запатрабаваная ў розных відах дзейнасці: не толькі ў эканамічнай, але і ў культурнай, адукацыйнай, творчай. Мы ставім задачу, каб у рэгіёнах былі базавыя школы, дзе б вывучалася кітайская мова як вучэбны прадмет, — падкрэсліў Ігар Карпенка. — Таму адкрыццё цэнтра кітайскай культуры і пісьменства — знакавая падзея, новы адпраўны пункт для руху наперад у гэтым напрамку. Перакананы, што напрацоўкі, вопыт і веды, якія ёсць у педагогаў гімназіі, паспрыяюць выхаду кітайскай мовы за сцены сталічных школ у рэгіёны і дапамогуць у падрыхтоўцы педагагічных кадраў.

Надзея НІКАЛАЕВА

nіkalaeva@zvіazda.by

Дадаць каментар

Выбар рэдакцыі

Грамадства

На працягу стагоддзя «Звязда» застаецца зоркай беларускай перыёдыкі

На працягу стагоддзя «Звязда» застаецца зоркай беларускай перыёдыкі

Пра гэта ўчора казалі высокія госці на ўрачыстым мерапрыемстве, прымеркаваным да юбілею газеты.

Спорт

Анастасія Марыніна: Баскетбол 3х3 — гэта заўсёды відовішча

Анастасія Марыніна: Баскетбол 3х3 — гэта заўсёды відовішча

Гэта адзін з нямногіх гульнявых відаў спорту, што былі ўключаны ў праграму ІІ Еўрапейскіх гульняў. 

Грамадства

«Захад-2017». Постфактум

«Захад-2017». Постфактум

Задачы сумеснага стратэгічнага вучэння выкананы на высокім узроўні.

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.