18 Чэрвень, панядзелак

Вы тут

beCloud запускае воблачную платформу для дзяржарганізацый


Новы праект дазволіць значна зэканоміць расходы, аптымізаваць прыбытак і пазбегнуць верагоднай рызыкі, а таксама істотна палепшыць узровень надзейнасці і бяспекі вядзення бізнесу дзяржаўных арганізацый.  


Фота: nerohelp.info

Пастаўшчык воблачных рашэнняў, кампанія beCloud, аб’явіла аб запуску глабальнага праекта G-Clo​​​​​​​​​​​​​​​​​​​​ud, створанага спецыяльна для дзяржаўных арганізацый Беларусі. Звыш пяці тысяч дзяржустаноў атрымліваюць шырокія магчымасці па выкарыстанні воблачных тэхналогій, якія адпавядаюць сучасным патрабаванням бяспекі.  

G-Cloud — першы абаронены воблачны сэрвіс краіны, сертыфікаваны па стандарце патрабаванняў да комплексных сістэм абароны інфармацыі. Кліентам даступныя паслугі класу IaaS, «інфраструктура як сэрвіс», ключавыя прадукты воблачнай платформы і дата-цэнтру — colocation і доступ да ліцэнзаванага праграмнага забеспячэння. Супрацоўніцтва прадугледжвае развіццё лічбавых рашэнняў і воблачных сэрвісаў на базе FusionCloud кампаніі Huawei, генеральнага падрадчыка Рэспубліканскай воблачнай платформы. Абсталяванне G-cloud размяшчаецца ў адзіным у краіне дата-цэнтры, сертыфікаваным па стандарце надзейнасці UptimeInstitute, TIER III Facility (ЗША).

«Нам удалося стварыць G-Cloud у адпаведнасці з асаблівасцямі ІТ-задач і патрабаванняў дзяржаўнага сектару. Мы гатовы прадаставіць надзейную пляцоўку для дзяржаўных ІТ-праектаў», — адзначае генеральны дырэктар beCloud Сяргей ПАБЛАГУЕЎ.

Паводле спецыяльнага пагаднення beCloud мае магчымасць пастаўляць праграмныя прадукты карпарацыі Microsoft са значнай перавагай у кошце і магчымасцю цэнтралізаванай закупкі з адной крыніцы. Глабальная мэта праекта G-cloud — стварэнне нацыянальнай воблачнай платформы, якая дазволіць дзяржаве істотна знізіць затраты на ІТ. Запуск воблачнай платформы дазваляе Беларусі эфектыўна выкарыстоўваць сучасныя інструменты ў галіне кіравання IT-інфраструктурай. У бліжэйшы час можна будзе рэалізаваць сацыяльна значныя для краіны праекты — стварыць сістэмы маніторынгу грамадскай бяспекі, кіравання энергетыкай, транспартам, аховай здароўя, адукацыяй. Воблачныя тэхналогіі сёння называюць адным з тых інструментаў, якія дазваляюць рэалізаваць інавацыйныя праекты без маштабных бюджэтных укладанняў. 

Святлана БАРЫСЕНКА

Дадаць каментар

Выбар рэдакцыі

Грамадства

Калі адукацыя «захрасне» ва ўчарашнім дні, лічбавае грамадства не свеціць

Калі адукацыя «захрасне» ва ўчарашнім дні, лічбавае грамадства не свеціць

Лічбавая трансфармацыя — не мода і не часовая з'ява.

Грамадства

Людзей палілі ў хляве, хто выбягаў — сустракалі агнём

Людзей палілі ў хляве, хто выбягаў — сустракалі агнём

Гэтымі днямі споўнілася 75 гадоў, як знішчылі жыхароў вёсак Любель-Поль і суседняй Вулькі Гарадзішчанскай. 

Эканоміка

Выбіраем недарагі і даступны крэдыт на жыллё

Выбіраем недарагі і даступны крэдыт на жыллё

Правілы гульні ў крэдыты змяніў Нацыянальны банк краіны. 

Калейдаскоп

У Наваполацку ўпершыню прайшоў канцэрт «Песня года»

У Наваполацку ўпершыню прайшоў канцэрт «Песня года»

Музычны тэлепраект «Песня года» тэлеканал АНТ ладзіць ужо 13 гадоў, пераняўшы традыцыю ў расійскага Першага канала.