23 студзеня, аўторак

Вы тут

Варыянты брэнда Беларусі будуць прапанаваны да канца года


Некалькі варыянтаў брэнда Беларусі будуць прапанаваны грамадскасці да канца года, паведаміў сёння журналістам намеснік міністра спорту і турызму Міхаіл Партной.


"Некалькі варыянтаў брэнда Беларусі прапануем да канца года для грамадскага абмеркавання", - сказаў Міхаіл Партной.

Ён падкрэсліў, што Беларусі неабходны брэнд. "Але няўдалы вопыт Мінска кажа пра тое, што да гэтага пытання трэба падыходзіць асцярожна і ўзважана, прыцягваць грамадскасць, каб гэтая праца ішла празрыста і сумленна, каб не было ніякіх элементаў карупцыі", - адзначыў намеснік міністра.

Міхаіл Партной таксама распавёў, што перад турыстычнай галіной таксама стаіць задача прыносіць як мага больш валюты ў эканоміку краіны. "У мінулым годзе мы выканалі заданне ўрада. Нам была пастаўлена задача зарабіць $ 154 млн, а мы зарабілі трохі больш. У гэтым годзе дзякуючы кансалідаванай працы тэндэнцыя захоўваецца", - канстатаваў ён.

У заканатворчай дзейнасці Міхаіл Партной адзначыў важнасць увядзення пяцідзённага бязвізавага рэжыму для турыстаў з 80 краін свету, якія прыбываюць у Беларусь праз Нацыянальны аэрапорт Мінск. "Наш прагноз быў, што ў выніку інфармацыйнай кампаніі, якую мы правялі з нашымі замежнымі ўстановамі, за паўгода адбудзецца павелічэнне пасажырапатоку праз аэрапорт на 15-20%. Рэальна пасажырапаток у цэлым павялічыўся на 27% у параўнанні з аналагічным леташнім перыядам", - паведаміў намеснік міністра .

БЕЛТА

Дадаць каментар

Выбар рэдакцыі

Эканоміка

Грошы: захаваць і прымножыць

Грошы: захаваць і прымножыць

Рана ці позна кожны з нас разумее, што неабходна мець нейкі запас фінансавых сродкаў.

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?