15 студзеня, пятніца

Вы тут

Вам не плацяць зарплату? Падавайце ў суд


Мінчанка, наша даўняя чытачка, паскардзілася на рэдакцыйную «гарачую лінію», што яе мужу некалькі месяцаў не выплачваюць заработную плату. Ён працаваў на адным з прадпрыемстваў у сталіцы кіроўцам пагрузчыка. Мужчына звольніўся адтуль яшчэ 11 верасня. Дагэтуль нявыплаты, па словах жонкі, былі цягам двух-трох месяцаў. Пасля звальнення канчатковы разлік з работнікам праведзены не быў. На прадпрыемстве нявыплату грошай работнікам тлумачаць запазычанасцю перад ім іншых арганізацый.


Спробы рэдакцыі разабрацца ў праблеме самастойна плёну не далі. Напачатку ў арганізацыі, дзе працаваў муж заяўніцы, шараговыя работнікі быццам бы пайшлі насустрач і паабяцалі падняць патрэбныя паперы. Але праз нейкі час, калі журналіст зноў набраў той жа нумар, трубку зняла ўжо галоўны бухгалтар прадпрыемства. Яна ў катэгарычнай форме і даволі эмацыянальна адмовілася даць якую-небудзь інфармацыю, спаслаўшыся на канфідэнцыяльнасць звестак. «Я нават жонцы колішняга работніка не магу сказаць, колькі зарабляе яе муж».

З просьбай дапамагчы даць адказ на запыт чытачкі (жанчына ж спадзявалася) мы мусілі звярнуцца ў камітэт па працы, занятасці і сацыяльнай абароне Мінгарвыканкама. Неўзабаве атрымалі адтуль афіцыйны ліст.

«Камітэт па працы, занятасці і сацыяльнай абароне Мінгарвыканкама, разгледзеўшы ваш зварот, паведамляе, што пытанні, з якімі вы звярнуліся, носяць характар індывідуальнай працоўнай спрэчкі. І, у адпаведнасці з заканадаўствам, гэты спрэчны момант павінен разглядацца ў судзе па месцы дзяржаўнай рэгістрацыі арганізацыі ў тэрміны, якія ўстаноўлены заканадаўствам (у трохмесячны тэрмін з дня, калі работнік даведаўся ці павінен быў даведацца аб парушэнні свайго права). Пры разглядзе працоўных спрэчак работнікі вызваляюцца ад платы судовых выдаткаў (артыкул 241 Працоўнага кодэкса Рэспублікі Беларусь).

Трэба адзначыць, што, у адпаведнасці з заканадаўствам, органы дзяржаўнага кіравання правам вырашэння індывідуальных працоўных спрэчак не надзелены.

Акрамя гэтага інфармуем, што нагляд за выкананнем заканадаўства аб працы, у прыватнасці, несвоечасовай выплаты заработнай платы і канчатковага разліку пры звальненні, знаходзіцца ў кампетэнцыі дэпартамента дзяржаўнай інспекцыі працы Міністэрства працы і сацыяльнай абароны Рэспублікі Беларусь (далей — дэпартамент), службовыя асобы якога маюць права прыцягваць да ўстаноўленай заканадаўствам адміністрацыйнай адказнасці асоб, якія дапусцілі парушэнне працоўнага заканадаўства (Палажэнне аб дэпартаменце, зацверджанае пастановай Савета Міністраў Рэспублікі Беларусь ад 29.07.2006 №959 «Пытанні Міністэрства працы і сацыяльнай абароны Рэспублікі Беларусь»).

Такім чынам, для вырашэння вашых пытанняў вы маеце права звярнуцца ў Мінскае гарадское ўпраўленне дэпартамента, якое знаходзіцца па адрасе: г. Мінск, пр. Пераможцаў, 23/3».

Сяргей РАСОЛЬКА

Загаловак у газеце: Па зарплату — толькі ў суд?

Выбар рэдакцыі

Грамадства

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Што рабіць, калі нечакана маці або бацька сталі вельмі настойліва заяўляць пра сябе?

Культура

Слухаць сняжынкі, сачыць за ростам травы. Янка Сіпакоў не любіў тусовак  і лічыў адзіным багаццем кнігі

Слухаць сняжынкі, сачыць за ростам травы. Янка Сіпакоў не любіў тусовак і лічыў адзіным багаццем кнігі

Вось ужо дзесяць гадоў, як пісьменнік Янка Сіпакоў застаўся ў сваіх кнігах — і тых, што падарыў, а найперш, у тых, што напісаў... А споўнілася б яму сёння 85 гадоў.

Грамадства

Як прайсці тэхагляд ва ўмовах ажыятажу?

Як прайсці тэхагляд ва ўмовах ажыятажу?

«Ахвотных настолькі многа, што скончыліся бланкі».