20 Люты, аўторак

Вы тут

Студэнт... Як шмат у гэтым гуку!


Беларусь лідзіруе сярод краін СНД па суадносінах колькасці студэнтаў і колькасці насельніцтва. Такія звесткі ўтрымліваюцца ў аглядзе да Сусветнага дня студэнта, які падрыхтаваў Нацыянальны статыстычны камітэт.


У 2016/2017 навучальным годзе ў 51 установе вышэйшай адукацыі навучалася 313 тысяч студэнтаў. Па іх колькасці ў разліку на 10 тысяч насельніцтва Беларусь мела самы высокі паказчык сярод краін СНД — 330 чалавек. Услед за намі ідуць Украіна, Арменія, Расія, Кыргызстан, Казахстан, Таджыкістан, Малдова, Азербайджан.

У Беларусі сёння функцыянуе 34 універсітэты, 9 акадэмій і 8 інстытутаў, пераважная большасць з іх — дзяржаўныя. Дзевяць з дзесяці студэнтаў навучаюцца ў дзяржаўных ВНУ. Падрыхтоўка спецыялістаў з вышэйшай адукацыяй ажыццяўляецца па 15 профілях адукацыі, якія ўключаюць больш за 400 спецыяльнасцяў і кірункаў. На дзённай форме навучання веды атрымліваюць 172,6 тысячы чалавек, на завочнай — 139,2 тысячы, вячэрняй —1,4 тысячы. Пры гэтым колькасць дзяўчат, якія атрымліваюць вышэйшую адукацыю, крыху большая за колькасць хлопцаў: на 100 хлопцаў-студэнтаў прыпадаюць 124 дзяўчыны-студэнткі.

Самымі запатрабаванымі застаюцца сярод моладзі спецыяльнасці эканамічнага і юрыдычнага профіляў. Па іх навучаецца траціна ўсіх студэнтаў. Таксама карыстаюцца попытам спецыяльнасці тэхнічнага профілю — да іх праявіў цікавасць кожны пяты студэнт. З педагогікай звязвае сваю будучыню кожны дзясяты. Спецыяльнасці сельскагаспадарчага профілю выбіраюць восем працэнтаў студэнтаў, медыцынскія — сем працэнтаў.

Дзяржава заахвочвае маладых людзей, якія імкнуцца атрымаць вышэйшую адукацыю. У 2016/2017 навучальным годзе 91 тысяча студэнтаў, або кожны другі студэнт дзённай формы навучання, атрымлівалі стыпендыю. У студэнцкіх інтэрнатах пражывалі 82 тысячы студэнтаў, або 81 працэнт ад агульнай колькасці тых, хто меў патрэбу.

У 2016/2017 навучальным годзе ў беларускіх ВНУ навучалася больш за 15 тысяч грамадзян замежных дзяржаў, што складае пяць працэнтаў ад агульнай колькасці студэнтаў. З іх 73 працэнты з'яўляюцца грамадзянамі краін СНД, прадстаўнікоў Кітая і Ірана — па пяць працэнтаў, Нігерыі — 3,5 працэнта, Лівана і Шры-Ланкі — па 1,9 працэнта, Індыі — 1,5 працэнта, Ірака — крыху больш за адзін працэнт.

Надзея НІКАЛАЕВА

nіkаlаеvа@zvіаzdа.bу

Фота Анатоля КЛЕШЧУКА

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?