Вы тут

На «Беларусь 3» стартуе месяц беларускага кіно


У рамках святкавання Дня беларускага кіно, які ў нашай краіне адзначаецца 17 снежня, тэлеканал «Беларусь 3» увесь першы месяц зімы прысвеціць мастацкім і дакументальным фільмам, створаным телтэлерадыёкампаніяй і кінастудыяй «Беларусьфільм» у розныя гады.


Пачынаючы з 4 снежня канал пакажа ў эфіры беларускія кінастужкі, мультфільмы і тэматычныя праграмы. Папярэднічаць праглядам карцін будуць сустрэчы з вядомымі майстрамі кіно і мастацтва.

З панядзелка ў 12.45 пачне выходзіць цыкл хранікальна-дакументальных фільмаў «Сінематэка» пра гісторыю і развіццё беларускага кіно. Кожны выпуск будзе прысвечаны пэўнаму перыяду кінаіндустрыі Беларусі. Як змяніліся і чым сёння займаюцца акцёры, якія сыгралі любімых герояў у дзіцячых фільмах «Прыгоды Бураціна», «Пра Чырвоны Капялюшык», «Пітэр Пэн», гледачы «Беларусь 3» змогуць убачыць з панядзелка па пятніцу ў 12.20. Вядомы гісторыка-прыгодніцкі шматсерыйны фільм «Дзяржаўная граніца» глядзіце з аўторка па пятніцу ў 21.05.

Прэм'ерай снежня стане аўтарская праграма Уладзіміра Арлова «Люблю і памятаю», першы выпуск якой гледачы ўбачаць ужо 9 снежня. Вядомы беларускі рэжысёр, сцэнарыст, драматург і пісьменнік успомніць тых, з кім у свой час звёў яго лёс. Ён адкрые малавядомыя факты біяграфіі знакамітых кінематаграфістаў, пісьменнікаў, кампазітараў і акцёраў, з якімі сябраваў, працаваў і цесна меў зносіны.

У рамках праекта «Час кіно» кандыдат мастацтвазнаўства Наталля Сцяжко пазнаёміць тэлегледачоў «Беларусь 3» з вынікамі Нацыянальнага конкурсу беларускіх фільмаў, які чацвёрты раз праходзіў на Міжнародным кінафестывалі «Лістапад». Традыцыйна ў пятніцу вечарам у рамках праграмы «Час кіно» будуць паказаны дыпломныя студэнцкія работы выпускнікоў Беларускай дзяржаўнай акадэміі мастацтваў.

17 снежня, у Дзень беларускага кіно, гледачоў канала чакае адразу некалькі прэм'ер. Мастацкі фільм Аляксандра Анісімава «Сляды на вадзе» раскажа пра барацьбу беларускай міліцыі з бандытызмам у пасляваенныя гады. Жыццё і творчасць выдатнага кінарэжысёра, народнага артыста СССР Віктара Турава, аўтара карцін «Праз могілкі», «Я родам з дзяцінства», «Сыны ідуць у бой», «Людзі на балоце» і іншых, тэлегледачы ўбачаць у дакументальным фільме Яўгена Сяцько «Віктар Тураў. Дыханне жыцця». Працягне тэматычны эфір і дакументальны фільм «Чорны крумкач», які закране тэму ваеннапалонных Другой сусветнай вайны — адну з асноўных у творчасці кінарэжысёра Анатоля Алая. І гэта невыпадкова, бо ваеннапалонным быў і яго бацька, ваенны ўрач Іван Алай.

Тэлеканал «Беларусь 3» запрашае тэлегледачоў правесці месяц беларускага кіно разам!

Загаловак у газеце: Глядзі сваё

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.