Вы тут

Мітрапаліт Павел падарыў дому дзіцяці медыцынскае абсталяванне


Мітрапаліт Мінскі і Заслаўскі Павел, Патрыяршы Экзарх усяе Беларусі ўчора наведаў мінскі Дом дзіцяці № 1 і ўручыў падарункі, а таксама медыцынскае абсталяванне (канцэнтратар кіслароду). Педагогі і выхаванцы ўстановы падрыхтавалі Каляднае прадстаўленне, якое і паказалі гасцям.


Як адзначыў міністр аховы здароўя Валерый Малашка, акцыя «Нашы дзеці», у якой прымаюць удзел у тым ліку чыноўнікі і кіраўніцтва Беларусі, праходзіць не першы год. Сёлета папярэднія яе вынікі сведчаць, што ў нашай краіне ўсе дзеці, у тым ліку і тыя, што знаходзяцца пад медыцынскім наглядам, на навагоднія і калядныя святы атрымалі ўвагу і падарункі.

Валерый Малашка засяродзіў увагу на новых формах работы, якія з мінулага года дзейнічаюць у дамах дзіцяці.

— У апошнія гады колькасць дзіцячых інтэрнатных устаноў зніжалася. У краіне развівалася апякунства, дзіцячыя дамы сямейнага тыпу. Мінулы год у гэтым сэнсе стаў для нас рэвалюцыйным. Выйшла некалькі нарматыўных дакументаў, і работу дамоў дзіцяці ўдалося трансфармаваць. Сёння ў іх, акрамя здаровых, знаходзяцца і дзеці, якія маюць патрэбу ў паліятыўнай дапамозе, — расказаў міністр.

У прыватнасці, у Доме дзіцяці № 1 абсталявана аддзяленне рэанімацыі на 12 ложкаў, дзе дзяцей падключаюць да апаратаў штучнай і дапаможнай вентыляцыі лёгкіх.

— У Мінску яшчэ 11 дзяцей з аналагічнымі захворваннямі знаходзіцца на штучнай вентыляцыі лёгкіх у сваіх сем'ях, — адзначыў Валерый Малашка. — Бацькі прынялі рашэнне ўзяць на сябе гэтую няпростую місію, і нашы нарматыўныя дакументы, пра якія я згадваў, далі магчымасць забяспечыць іх адпаведнымі апаратамі, расходнымі матэрыяламі і медыцынскім суправаджэннем. Такое ўзаемадзеянне наладжана праз структуры дамоў дзіцяці.

Паводле інфармацыі Валерыя Малашкі, сёння ў краіне патрэбу ў паліятыўнай дапамозе маюць каля 1300 дзяцей, і яна наладжваецца праз інтэрнатныя ўстановы — бацькі, якія самастойна даглядаюць такіх дзяцей, атрымліваюць неабходную дапамогу. Акрамя таго, бацькі маюць магчымасць часова змяшчаць дзяцей у дамы дзіцяці (тады догляд будзе весціся медыцынскімі работнікамі), каб сям'я атрымала невялікую перадышку.

Мітрапаліт Мінскі і Заслаўскі Павел, Патрыяршы Экзарх усяе Беларусі нагадаў, што ў савецкія часы царкву адлучылі ад адукацыі і выхавання, і гэта не прынесла станоўчых вынікаў. Свяшчэннікі павінны ўдзельнічаць у выхаванні чалавека пачынаючы з ясляў і дзіцячых садкоў.

— Евангелле скіравана на тое, каб несці людзям дабро, яго трэба перадаваць дзецям у самым раннім узросце, найперш у сям'і. Бацькі павінны ствараць такую абстаноўку, каб не было стрэсу ў дзіцяці. Я ўдзячны сваім бацькам, бо ніколі не чуў, каб маці і тата высвятлялі адносіны. Я толькі потым даведаўся, што ў іх, як і ва ўсіх, былі праблемы. Але на дзіцячым выхаванні гэта не адбівалася, — расказаў Мітрапаліт Павел.

Добраахвотніцкі рух храма «Усецарыца», з дапамогай якога сабраны падарункі, аказвае дапамогу дзіцячым хоспісам, падапечным паліятыўных палат і дамоў дзіцяці. Сёлета сабрана больш за 1700 падарункаў, якія атрымалі дзеці ва ўсіх рэгіёнах Беларусі.

Алена КРАВЕЦ

krаvеts@zvіаzdа.bу

Фота БЕЛТА

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.

Грамадства

Птушкі, людзі, цытаты з класікаў: хто, як і навошта расфарбоўвае гарады

Птушкі, людзі, цытаты з класікаў: хто, як і навошта расфарбоўвае гарады

 Карэспандэнт «Звязды» сустрэлася з мастаком Аляксандрам Благіем.

Грамадства

На лячэнне і паляванне. Што прыцягвае замежнікаў у Беларусі?

На лячэнне і паляванне. Што прыцягвае замежнікаў у Беларусі?

​Беларускія санаторыі перасталі быць месцам адпачынку пераважна пажылых людзей.

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці