Ці заўважалі вы, якія падобныя здарэнні разам з наступствамі адзначаюцца апошнім часам у міліцэйскіх зводках? Спачатку сядзелі і выпівалі два сабутэльнікі, потым пасварыліся, пабіліся. Вынік — адзін, а то і абодва аказаліся ў бальніцы. І ўсё часцей фігурантамі ўказанай, зусім не тэатральнай дзеі выступаюць мужчына і жанчына, а іх сумесная выпіўка заканчваецца зусім не сцэнай кахання...
Вось і 50-гадовая жыхарка Баранавіч запрасіла ў госці на чатыры гады маладзейшага вяскоўца. Пасядзелі, выпілі... Потым, як вынікае з матэрыялаў справы, небараку даставілі ў бальніцу з страсеннем мазгоў, пераломамі рэбраў і нават пашкоджаннем лёгкага. У парыве гневу дама так адлупцавала кавалера металічнай табурэткай, што апошні ледзьве жывы застаўся. Дарэчы, абое не працуюць. Застаецца адкрытым пытанне: за што пілі? А мэбля, якую забралі як рэчавы доказ, відаць, дасталася гаспадыні кватэры ў спадчыну.
Святлана ЯСКЕВІЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
