Вы тут

Беларусь на конкурсе Intel ISEF у ЗША прадставяць навучэнцы ліцэяў


“Золата” у фінале навукова-інжынернага конкурсу навучэнцаў “Belarus Science and Engineering Fair-2018” заваявалі выхаванцы ліцэя Беларускага дзяржаўнага ўніверсітэта.


Дыплома першай ступені былі ўдастоены адзінаццацікласніцы Лізавета Карповіч і Аляксандра Гілеўская. Менавіта яны адправяцца на Міжнародны навукова-інжынерны конкурс Intel ISEF, які пройдзе з 13 па 18 мая ў Пітсбургу (ЗША).

Узнагарода прысуджана ліцэісткам за праект ”Хітазан — экалагічна чыстая “біяупакоўка”, які яны прадставілі ў секцыі “Экалогія і праблемы навакольнага асяроддзя, энергазберагальныя тэхналогіі”. Навуковым кіраўніком пераможцаў выступіла намеснік дырэктара Ліцэя БДУ па вучэбнай рабоце Ганна Чубарова.

Таксама беларускую школу ў Пітсбургу будуць прадстаўляць і навучэнцы Мінскага дзяржаўнага абласнога ліцэя Рабёнак Ганна і Ангеліна Гуніч са сваім праектам “Электрахімічнае атрыманне пакрыцця са сплаву волава—серабро, прыдатнага у якасці прыпою”.

Усяго ў гэтым годзе ў фінале конкурсу былі прадстаўлены 65 даследчых работ навучэнцаў з усёй Беларусі.

Даведка

Belarus Science and Engineering Fair — штогадовы рэспубліканскі навукова-інжынерны конкурс навучэнцаў, які праводзіцца ў выглядзе адкрытай стэндавай выстаўкі-кірмашу навуковых праектаў. Арганізуецца ён для школьнікаў 13-18 гадоў. Ініцыятарамі спаборнітцваў выступаюць Парк высокіх тэхналогій, карпарацыя Intel, Мінскі абласны інстытут развіцця адукацыі і ўпраўленне адукацыі Мінскага аблвыканкама. Конкурс з'яўляецца адборачным этапам самага прэстыжнага Міжнароднага навукова-інжынернага спаборніцтва “Intel International Science and Engineering Fair”.

Надзея НІКАЛАЕВА

Выбар рэдакцыі

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.

Грамадства

Франтавы повар аб тым, чым кармілі чырвонаармейцаў

Франтавы повар аб тым, чым кармілі чырвонаармейцаў

Разам з карэспандэнтам «Звязды» ветэран Вялікай Айчыннай вайны франтавы повар Ганна Воранава ўспомніла пра самыя шчаслівыя і самыя горкія моманты жыцця.

Эканоміка

Як зберагчы ўласныя фінансы ў падарожжы

Як зберагчы ўласныя фінансы ў падарожжы

Неад'емным аксесуарам вандроўкі сёння з'яўляецца плацежная картка.

Грамадства

Ці лёгка быць маладым дырэктарам школы?

Ці лёгка быць маладым дырэктарам школы?

Поспех установы адукацыі — заслуга педкалектыву, а няўдача — памылка яе кіраўніка.