Вы тут

Інфармацыйна-адукацыйны цэнтр БДУ адкрыўся ў Анкары


Ён дзейнічае на базе офіса адукацыйнай кампаніі Атлас (Аtlаs рrіvаtе еduсаtіоnаl sеrvісеs), а яго работу з беларускага боку каардынуе факультэт даўніверсітэцкай адукацыі БДУ.


Мяркуецца, што функцыянаванне цэнтра ўмацуе адукацыйныя і культурныя сувязі паміж установамі вышэйшай адукацыі Беларусі і Турцыі, а таксама значна спросціць абмен інфармацыяй. У прыватнасці, цэнтр будзе аказваць кансультацыйныя паслугі па паступленні ў Белдзяржуніверсітэт, а таксама ў іншыя беларускія ВНУ. У перспектыве на яго базе плануецца адкрыць курсы рускай мовы для турэцкіх грамадзян.

У рамках візіту ў Турцыю дэлегацыя БДУ прыняла ўдзел у міжнароднай адукацыйнай выстаўцы "А2 Іntеrnаtіоnаl Еduсаtіоn Fаіrs оf Turkеу". Яна з'яўляецца адным з найважнейшых мерапрыемстваў у цэнтральна-азіяцкім рэгіёне па рэкламе і прасоўванні адукацыйных паслуг на рынкі Азіі і Блізкага Усходу. Удзел у ёй узялі больш як 100 нацыянальных, замежных і міжнародных арганізацый з 20 краін свету. Вынікам удзелу ў выстаўцы стала правядзенне больш як ста інтэрв'ю з зацікаўленымі ў навучанні ў БДУ патэнцыйнымі абітурыентамі. Большасць з іх задавала пытанні наконт магчымасці навучання ў Беларусі на англійскай мове.

Аtlаs рrіvаtе еduсаtіоnаl sеrvісеs — міжнародная адукацыйная кампанія. З'яўляецца афіцыйным прадстаўніком больш як 500 універсітэтаў, каледжаў і моўных школ у свеце, яе офісы размешчаны ў Вялікабрытаніі, Аўстраліі, Турцыі і Украіне. Кампанія каардынуе паступленне грамадзян у замежныя адукацыйныя ўстановы на ўсіх этапах. У 2014 годзе па версіі Studу trаvеl mаgаzіnе "Атлас" прызнаны найлепшым адукацыйным агенцтвам ва Усходняй Еўропе.

Надзея НІКАЛАЕВА

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.