У ходзе работы круглага стала мяркуецца абмеркаванне папулярызацыі творчасці прадстаўнікоў роду Агінскіх сродкамі музычнага мастацтва, мастацкай творчасці, выдавецкай дзейнасці; агініяны як навуковага напрамку ў Беларусі, Польшчы і Літве. Будуць падведзены вынікі рэалізацыі міжнародных праектаў па ўвекавечанні спадчыны дынастыі Агінскіх, а таксама разгледжаны перадавыя практыкі дыялогу дзяржавы, грамадства і прыватнага бізнесу ў справе трансляцыі гісторыка-культурнай спадчыны Агінскіх і інш.
Для ўдзелу ў круглым стале Мінск наведае прадстаўнічая дэлегацыя Літоўскай Рэспублікі.
З беларускага боку ўдзел возьмуць прадстаўнікі дзяржаўных органаў, устаноў культуры, адукацыі і навукі, грамадскіх арганізацый, творчых саюзаў, асацыяцый прадпрымальнікаў.
Мяркуецца ўдзел кіраўнікоў дыпламатычных місій Літвы, Польшчы, Італіі.
Па выніках пасяджэння будзе падпісана рэзалюцыя з асноўнымі палажэннямі перспектыўнага беларуска-літоўскага супрацоўніцтва ў сферы вывучэння і трансляцыі гісторыка-культурнай спадчыны Агінскіх.
Адрас Дома дружбы: вул. Захарава, д. 28.
Дар'я СПЕВАК
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?