Вы тут

Кошт праезду ў цягніках павялічыўся


З 20 сакавіка ў Беларусі падаражэў праезд у цягніках гарадскіх ліній і рэгіянальных ліній эканом-класа. З 1 красавіка падаражэе праезд у цягніках рэгіянальных ліній бізнес-класа і міжрэгіянальных ліній, паведамілі ў прэс-цэнтры магістралі.


Павышэнне кошту праезду ў цягніках гарадскіх, рэгіянальных і міжрэгіянальных ліній прадугледжана пастановай Міністэрства антыманапольнага рэгулявання і гандлю, афіцыйна апублікаванай на Нацыянальным прававым інтэрнэт-партале Рэспублікі Беларусь.

Кошт праезду цягнікамі гарадскіх ліній узрос у сярэднім на 2—6 % у залежнасці ад тарыфнага пояса, у якім праязджае пасажыр. Напрыклад, кошт праезду цягнікамі гарадскіх ліній у межах аднаго тарыфнага пояса (Мінск—Беларусь, Мінск—Гарадзішча, Мінск—Міханавічы) павялічыўся на 2 капейкі і складае 0,90 рубля. У межах двух тарыфных паясоў (Мінск—Рудзенск, Мінск—Смалявічы) кошт праезду павялічыўся на 6 капеек і складае 1,10 рубля.

Кошт праезду цягнікамі рэгіянальных ліній эканом-класа ўзрос на 24 % і складае: 0,20 рубля за першую зону (замест 0,16 рубля); 0,02 рубля за кожны дадатковы кіламетр (замест 0,016 рубля).

Акрамя таго, з 1 красавіка павышаюцца тарыфы на перавозкі: цягнікамі міжрэгіянальных ліній эканом-класа на 24 %; цягнікамі рэгіянальных і міжрэгіянальных ліній бізнес-класа на 32 %.

Апошні раз тарыфы на праезд чыгуначным транспартам унутры Беларусі павышаліся 26 снежня 2015 года.

Больш падрабязную інфармацыю аб кошце праезду ў цягніках гарадскіх, рэгіянальных і міжрэгіянальных ліній можна атрымаць на сайце www.rw.bу, а таксама ў чыгуначных касах і па тэлефонах даведачных службаў.

Сяргей РАСОЛЬКА

Фота БЕЛТА

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.