Вы тут

У пушчанскi маёнтак — на «Навагоднiм экспрэсе»


БЧ запрашае здзейснiць падарожжа ў сядзiбу Дзеда Мароза на навагоднiм цягнiку. У гэтым сезоне састаў, якi складаецца з купэйных вагонаў, даставiць пасажыраў у госцi да Дзеда Мароза 24 снежня i 6 студзеня. Пры ўмове запатрабаванасцi гэтай паслугi ў пасажыраў «Навагоднi экспрэс» адправiцца ў Белавежскую пушчу таксама 26 снежня, 2 i 8 студзеня, паведамiлi ў прэс-цэнтры магiстралi.


Са станцыi Мiнск-Пасажырскi цягнiк выйдзе ў 21.58 i прыбудзе ў Брэст ранiцай наступнага дня ў 7.50, адкуль турыстаў даставяць у Белавежскую пушчу на камфартабельных аўтобусах. Там госцi правядуць цэлы дзень. Падарожнiкаў чакае насычаная навагодняя экскурсiйная праграма: яны наведаюць маёнтак беларускага Дзеда Мароза i атрымаюць ад яго падарунак, убачаць церам Снягуркi, чароўны млын, пабываюць на алеi знакаў усходняга календара, у «Скарбнiцы» — музеi падарункаў Дзеда Мароза; загадаюць свае самыя патаемныя жаданнi на паляне дванаццацi месяцаў цi на чароўным троне. У праграму тура таксама ўваходзiць знаёмства з музеем прыроды, шпацыр уздоўж вальераў з жывёламi i пачастунак блiнамi з гарбатай на пушчанскiх травах.

У сталiцу з Брэста навагоднi цягнiк адправiцца ў 17.28 i прыбудзе ў Мiнск у 22.19. У дарозе пасажыраў чакае сустрэча з чыгуначным Дзедам Марозам i яго памочнiкам.

У мэтах прафiлактыкi вiрусных iнфекцый падчас падарожжа будуць выконвацца ўсе неабходныя меры, скiраваныя на знiжэнне рызыкi распаўсюджвання адпаведных захворванняў. У прыватнасцi, перад адпраўленнем цягнiка ў рэйс будзе праведзена прыборка з выкарыстаннем дэзынфекцыйных сродкаў, пасажыры ў дарозе змогуць таксама набыць медыцынскiя маскi. Акрамя таго, удзельнiкi тура з паездкi ў Мiнск вернуцца на тым жа цягнiку i на тых жа пасадачных месцах, на якiх адправiлiся ў падарожжа.

Кошт тура ў навагоднiм цягнiку на 2020—2021 год: купэйны вагон — дарослы: 110 руб.; дзецi ад 10 да 13 гадоў (уключна): 106 руб.; дзецi ад 6 да 10 гадоў (уключна): 87,9 руб., дзецi да 5 гадоў (уключна): 80,9 руб. (з месцам).

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.