Удзельнікамі мерапрыемства стануць больш за 600 студэнтаў сталічных ВНУ з Кыргызстана, Таджыкістана, Туркменістана, Ірана, Азербайджана, Афганістана, Казахстана і Турцыі. Менавіта ў гэтых краінах Наўруз з'яўляецца святам новага года па астранамічнаму сонечнаму календару. На ўрачыстасць запрошаны прадстаўнікі пасольстваў названых краін.
Праграма вечарыны ўключае выстаўку нацыянальных культур, дзе ўсім жадаючым будзе прапанавана пачаставацца традыцыйныя стравамі і прайсці майстар-клас па навучанні ігры на нацыянальных інструментах. Акрамя таго, на асобнай пляцоўцы гасцей будуць навучаць харэаграфічнаму майстэрству.
Ключавой падзеяй святкавання Наўруза стане маляўнічае прадстаўленне, якое ўключае нацыянальныя танцы і сумесныя харэаграфічныя нумары студэнтаў з розных краін. Акрамя таго, гледачам будзе прадстаўлена папуры з сучасных песень на гітары, а таксама цыркавое выступленне студэнта БДМУ Адэля Зіфталіта з Лівана. Артыст прадэманструе фізічную сілу, падняўшы стол на падбародку.
У канцэртнай частцы мерапрыемства выступяць студэнты-замежнікі з БДУ, БДМУ, Беларускага дзяржаўнага педагагічнага ўніверсітэта, Беларускага дзяржаўнага эканамічнага універсітэта, БНТУ, БДУІР, Беларускай дзяржаўнай акадэміі сувязі, а таксама Мінскага дзяржаўнага лінгвістычнага ўніверсітэта.
Арганізатарамі фестывалю выступіў Савет зямляцтваў і ўпраўленне выхаваўчай працы з моладдзю БДУ.
Свята пройдзе ў Ліцэі БДУ ((вул. Ульянаўская, 8). Пачатак у 17.30. Наведаць мерапрыемства могуць усе жадаючыя.
Надзея НІКАЛАЕВА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?