23 верасня, серада

Вы тут

«Звязда» зацікавіла школьнікаў


Упершыню фестываль пошты і друкаваных СМІ прайшоў у сценах установы адукацыі.

У Гродне сталі традыцыйнымі фестывалі, якія ладзяцца Гродзенскім філіялам «Белпошты» і друкаванымі выданнямі. Чарговая сустрэча з падпісчыкамі адбылася ў самай «населенай» школе горада, дзе вучацца больш за тры тысячы школьнікаў. Многія з іх зацікавіліся выданнямі «Звязды». Для сустрэчы з гродзенцамі Выдавецкі дом «Звязда» падрыхтаваў не толькі экзэмпляры сваіх выданняў, але і нямала добрых бонусаў.


Да «звяздоўскага» стэнда падчас перапынку раз-пораз падбягалі школьнікі, і ніхто не адыходзіў з пустымі рукамі. Для кожнага знаходзіўся прыгожы насценны каляндар, флажок ці часопіс у падарунак. Для падпісчыкаў — больш сур'ёзныя прызы. Кубкі, бейсболкі, майкі, штодзённікі і нататнікі з лагатыпам выдання. Выбар падпіскі вялікі, бо, як вядома, Выдавецкі дом аб'ядноўвае каля дзесяці выданняў. У іх ліку газеты — «Звязда», «ЛіМ», часопісы — «Маладосць», «Алеся», «Вожык», «Родная прырода» і іншыя. Усе яны былі выстаўлены на стэндах. Юных падпісчыкаў зацікавіў часопіс для дзяцей «Бярозка». Пяцікласнік Яўген прыйшоў са сваімі сябрамі, каб пазнаёміцца са зместам выдання. Вядома ж, атрымаў падарунак. Настаўнікі і бацькі, якія прыйшлі па дзяцей у школу, гарталі газету «Звязда». Тут жа можна было і аформіць падпіску.

— Для рэдакцый гэта добры шанц пазнаёміць са сваім выданнем, а для падпісчыкаў яшчэ і атрымаць падарунак, — зазначыла начальнік аб'яднанага цэха паштовай сувязі Гродзенскага філіяла РУП «Белпошта» Святлана Грыб. — Гродзенцы пачынаюць прывыкаць да такіх мерапрыемстваў, хоць гэта і новая форма: мы пачалі практыкаваць яе ў мінулым годзе. Папярэднія фестывалі праходзілі на адкрытых пляцоўках ў цэнтры горада. Зараз мы з-за нестабільнага надвор'я размясціліся ў школе, якая знаходзіцца ў новым мікрараёне. Паступова будзем даходзіць і да іншых куткоў горада. Наш філіял знаёміць наведвальнікаў з новымі паслугамі аддзяленняў сувязі, мы прапануем падпісаць віншавальную паштоўку прызёрам Алімпійскіх гульняў у Пхёнчхане, аформіціць дабрачынную падпіску для дзяцей-сірот, набыць сувенірную прадукцыю, а таксама сертыфікат на любое выданне.

Маргарыта УШКЕВІЧ

Выбар рэдакцыі

Спорт

Андрэй Ліхавіцкі: Адказнасць, засяроджанасць і любоў

Андрэй Ліхавіцкі: Адказнасць, засяроджанасць і любоў

Андрей Ліхавіцкі — прыклад таго, што геаграфічныя межы спорту не перашкода. Чаму?

Грамадства

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску ў Індустрыяльным парку «Вялiкi камень» з грандыёзным размахам.