Вы тут

Біяэтыка. Што мы пра яе ведаем


У краіне стартаваў Рэспубліканскі конкурс студэнцкіх работ «Даступная біяэтыка». Яго арганізатарамі выступаюць Міністэрства аховы здароўя, Рэспубліканскі камітэт па біяэтыцы сумесна з аддзелам па біяэтыцы Савета Еўропы пры падтрымцы Інфармацыйнага пункта Савета Еўропы ў Мінску.


Як вынікае ўжо з самой назвы конкурсу, асноўная яго мэта — павышэнне ўзроўню і якасці ведаў у сферы біямедыцыны, фарміраванне ў студэнцкай моладзі актуальных біяэтычных кампетэнцый, стварэнне ўмоў для стымулявання цікавасці да біяэтыкі з боку грамадства.

Да ўдзелу ў конкурсе запрашаюцца студэнты і магістранты ўстаноў вышэйшай адукацыі, якіх цікавіць, як біямедыцынскія даследаванні адбіваюцца на правах і свабодах асобы, пытанні біяэтыкі, напрыклад, у развіцці рэпрадуктыўных тэхналогій, трансплантацыі органаў і тканак, генетыцы, нейранавуцы. Удзел у конкурсе магчымы як індывідуальны, так і ў складзе аўтарскага калектыву (але не больш за тры чалавекі).

У конкурсе прадугледжаны тры намінацыі. У першай з іх — «Эсэ» — могуць быць прадстаўлены пісьмовыя творчыя работы толькі індывідуальнага аўтарства. Удзельнікам прапануецца вызначыць праблему, цалкам раскрыць тэму і біяэтычную праблематыку, прывесці пераканаўчыя аргументы, зрабіць абгрунтаваныя высновы. Журы конкурсу сярод іншага будзе звяртаць увагу на агульную логіку работы, яе афармленне і пісьменнасць.

У намінацыі «Відэаматэрыял» (відэаролік) падаюцца агучаныя відэаматэрыялы працягласцю да 5 хвілін, якія асвятляюць актуальныя для Беларусі пытанні біяэтыкі ў сферы правоў чалавека і біямедыцыны. Журы ацэніць лаканічнасць, інфарматыўнасць сюжэта, яго арыгінальнасць, якасць здымак і мантажу, а таксама гук (тэкст за кадрам і/ці музычнае суправаджэнне).

У намінацыі «Плакат» дазваляецца падаваць плакаты, выкананыя ў рознай тэхніцы. Будуць ацэньвацца раскрыццё тэмы, якасць выканання, мастацкая каштоўнасць работы і арыгінальнасць тэхнікі выканання.

Больш падрабязную інфармацыю можна знайсці на сайце Савета Еўропы і Інфармацыйнага пункта Савета Еўропы ў Мінску.

Конкурсныя работы прымаюцца да 1 ліпеня ўключна. Урачыстае ўзнагароджванне прызёраў і пераможцаў адбудзецца ў Мінску ў кастрычніку бягучага года. Пераможцы будуць запрошаны наведаць аддзел па біяэтыцы Савета Еўропы ў Страсбургу.

Надзея НІКАЛАЕВА

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.