Прэзідэнт Беларусі Аляксандр Лукашэнка даручыў завяршыць будаўніцтва новага моста праз Прыпяць у Жыткавіцкім раёне да 7 лістапада. Адпаведнае даручэнне ён даў сёння на нарадзе ў Мінску, піша БЕЛТА.
"Папярэджваю: усе работы павінны быць закончаны ў гэтым годзе. Ніякіх работ на 2019 год. Прывыклі мы так, па-беларуску: мы мост зробім у гэтым годзе да 7 лістапада, а ў будучым годзе ўсё астатняе. Вы ведаеце, як атрымліваецца. Перанеслі на будучы год - і забыліся. Таму ў гэтым годзе да 7 лістапада мост ўрачыста адкрываем, а да канца года ўся рэкультывацыя, усё павінна быць прыведзена ў парадак. Колькі трэба туды людзей, столькі і накіроўвайце", - заявіў кіраўнік дзяржавы.
Ён таксама даручыў падрыхтаваць яго рабочую паездку ў Жыткавіцкі раён, каб на месцы азнаёміцца з сітуацыяй і ходам вядзення работ. "Я хачу паглядзець, як яны там арганізавалі пераправу, і як ідзе будаўніцтва гэтага моста", - сказаў Аляксандр Лукашэнка.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.