Вершаваныя відэаролікі, мастацкі фільм, тэлеверсія фолк-оперы «Адвечная песня» і тэматычны канцэрт «Як на свет радзіўся Янка...». Да дня нараджэння народнага паэта Беларусі Янкі Купалы сацыякультурны тэлеканал «Беларусь 3» падрыхтаваў адмысловую праграму.
Ужо з 4 ліпеня ў эфіры будзе выходзіць праект «Мой Купала» — цыкл відэаролікаў, у якіх студэнты творчых ВНУ, а таксама вядомыя дзеячы тэатра і кіно чытаюць свае любімыя вершы Янкі Купалы. 7 ліпеня «купальскі» дзень адкрые камедыя Юрыя Цвяткова «Пасля кірмашу», знятая ў 1972 годзе паводле знакамітай п'есы «Паўлінка». Далей гледачоў чакаюць тэматычны выпуск праекта «Запіскі на палях», тэлеверсія фолк-оперы Рэспубліканскага тэатра беларускай драматургіі «Адвечная песня» (2015 год) і аднайменны хранікальна-дакументальны фільм, які прадставіць відэаматэрыялы, зробленыя на тэлебачанні пра Янку Купалу ў розныя гады і беражліва захаваныя да сёння. Завершыцца дзень памяці канцэртам «Як на свет радзіўся Янка...», які генеральны прадзюсарскі цэнтр медыяхолдынга запісаў летась.
Вікторыя ЗАХАРАВА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
