Вы тут

Украінскія зацікаўленні беларусістыкай


У Палтаўскім нацыянальным педагагічным універсітэце імя У. Караленкі створана ўнікальная навукова-даследчыцкая лабараторыя.


Дацэнт кафедры журналістыкі Глеб Кудрашоў, добра вядомы сваімі зацікаўленнямі ў беларуска-ўкраінскіх культурных і гістарычных стасунках, стварыў навуковую лабараторыю «Беларуска-Украінскія Кніжныя Сувязі» (БУКС). Яшчэ з 2012-га малады даследчык рэгулярна друкуецца з артыкуламі, навуковымі паведамленнямі ў Беларусі, выступае на розных канферэнцыях. Глеб Кудрашоў падтрымлівае трывалыя стасункі з украінскай дыяспарай у Беларусі.

Плёнам зацікаўленняў беларуска-ўкраінскімі стасункамі стала і кніга Г. Кудрашова «Малітва Тараса пад беларускім небам», у якой даволі падрабязна разгледжаны ўсе пытанні мемарыялізацыі жыцця і творчасці Вялікага Кабзара ў Беларусі. Выданне, якое даследчык прадставіў чытачу на ўкраінскай мове, даўно разышлося і фактычна стала рарытэтам. Пра кнігу пісалі ў беларускім і ўкраінскім друку, размова пра яе ішла і на круглым стале беларускіх і замежных пісьменнікаў сёлета ў Гродне на чарговым фестывалі нацыянальных культур. Зараз рыхтуецца пераклад кнігі на беларускую мову. Мяркуецца, што «Малітва Тараса пад беларускім небам» пабачыць свет у мінскім выдавецтве «Мастацкая літаратура».

Сяргей ШЫЧКО

Выбар рэдакцыі

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.