24 Верасень, панядзелак

Вы тут

У Выдавецкім доме «Звязда» выйшла кніга сучаснай азербайджанскай паэзіі


У Выдавецкім доме «Звязда» выйшла кніга сучаснай азербайджанскай паэзіі, якая аб'яднала творы аўтараў розных пакаленняў.


Гэта не першы сумесны праект беларускіх выдаўцоў і Перакладчыцкага цэнтра пры Кабінеце Міністраў Азербайджанскай Рэспублікі. Некаторы час назад у перастварэнні на беларускую мову выйшла кніга паэзіі Лэйлы Аліевай. Перакладчыкам і ў першым, і ў другім выпадках выступіла таленавітая беларуская паэтэса Таццяна Сівец. Выдавецкі дом «Звязда» пры падтрымцы Міністэрства інфармацыі Беларусі выпусціў і кнігу паэзіі Чынгіза-Алі аглу «Знічкай пакіну цябе я», а таксама кнігу Севіндж Нурукызы, адрасаваную юнаму чытачу.

У зборніку «Анталогія сучаснай азербайджанскай літаратуры. Паэзія» змешчаны вершы Самеда Вургуна, Мікаіла Мушвіга, Расула Рзы, Набі Хазры, Лэйлы Аліевай і яшчэ 34 паэтаў, якія ў XX стагоддзі стваралі мастацкі летапіс багатай на гісторыю і асветніцтва зямлі. А хтосьці з іх і сёння актыўна працуе ў нацыянальнай літаратуры Азербайджана. Сёння ў Мінску жыве і працуе мастак азербайджанскага паходжання Каміль Камал. Адна з яго работ аб'яднала дзве постаці — Максіма Багдановіча і Мікаіла Мушвіга. Карціна была прэзентавана ў цэнтры культуры Азербайджана ў Беларускім дзяржаўным педагагічным універсітэце імя Максіма Танка. Так што ў беларуска-азербайджанскіх культурных, літаратурных адносін багатая гісторыя. І новая паэтычная кніга — яшчэ адна яркая ў ёй старонка.

Мікола БЕРЛЕЖ

Загаловак у газеце: Ад Самеда Вургуна да Лэйлы Аліевай

Дадаць каментар

Выбар рэдакцыі

Спорт

Цырымонія развітання з Анатолем Капскім прайшла ў «Барысаў-Арэне»

Цырымонія развітання з Анатолем Капскім прайшла ў «Барысаў-Арэне»

Грамадзянская паніхіда працягвалася больш за дзве гадзіны ў "Барысаў-Арэне".

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.