Вы тут

Лукашэнка: Мы ніколі не станем васаламі ніводнай краіны


Беларусь ніколі не стане васалам ніводнай краіны. Аб гэтым кіраўнік дзяржавы Аляксандр Лукашэнка заявіў сёння ў час кадравых назначэнняў ва ўрадзе.


"Некаторыя, асабліва расіяне, "плявузгаюць", інакш не скажаш: "Лукашэнка хоча нешта паказаць або здацца Пуціну". Слухайце, мы адзін аднаго ведаем, напэўна, больш за 20 гадоў. Мне што паказваць трэба Пуціну? Ён мяне ведае, як у народзе кажуць, як аблупленага. і я яго так жа ведаю. Што нам адзін аднаму яшчэ паказваць? Я ў Крэмль даваць справаздачу не езджу. Мы дамовіліся пра нашы ўзаемаадносіны. у нас самыя прасунутыя адносіны - у саюзе Беларусі і Расіі. Мы заключылі масу, больш за сотню нарматыўна-прававых актаў, у нас створана пэўная база. Мы вусна можам прымаць рашэнні і рэалізоўваць іх. У нас вельмі добрыя і блізкія адносіны", - сказаў Прэзідэнт.

"Але што мы хочам ад Расіі? Калі Расія падпісала з Беларуссю дагавор, пагадненне, мы патрабуем, каб гэта бездакорна выконвалася. І я адкрыта кажу, што мы ніколі не станем васаламі ніводнай краіны. Не трэба ад нас патрабаваць, як некаторыя пачынаюць ужо на злобу дня пісаць: "Трэба хутчэй Лукашэнку ўступіць у склад Расіі і Беларусь туды скінуць".

"Гэта будуць апошнія дні палітыка ў Беларусі, які прыме такое рашэнне. І навошта гэта ў сучасным свеце? Мы можам існаваць у саюзе з Расіяй і вырашаць нашы агульныя задачы без аніякіх праблемаў. Гэта самая блізкая нам краіна. Мы адзін народ фактычна. Мы ад аднаго кораня, - беларусы, расіяне і ўкраінцы ", - заявіў Аляксандр Лукашэнка.

"Мы не хочам паўтарэння таго, што адбываецца ва Украіне з Расіяй - канфлікт гэты. Нам гэта не трэба. І Расіі гэта не трэба. Таму што ў яе адзінае акно ў 1 тыс. км з усходу на захад - гэта Беларусь. Расія мае патрэбу ў стабільнай Беларусі", - адзначыў Прэзідэнт.

Кіраўнік дзяржавы адзначыў, што Расія баіцца страціць Беларусь, некаторыя кажуць, што рэспубліка развярнулася на Захад. "Ды нікуды мы не разгортваліся і разгортвацца не збіраемся. Наш лёс вызначана госпадам быць тут - у цэнтры Еўропы. Вось гэтым трывалым моцным мастом паміж Усходам і Захадам", - падкрэсліў ён.

Прэзідэнт заявіў, што ў Беларусі бліскучыя адносіны не толькі з Расіяй, але і, напрыклад, з КНР. "Захад - гэта наш сусед. Суседзяў не выбіраюць. І мы з імі выбудоўваем добрыя адносіны. Там тэхналогіі. Там ёсць вольныя інвестыцыі, што яны і ажыццяўляюць у Беларусі. Тое ж самае - КНР. Зараз з магутнай Індыяй выбудоўваем адносіны, яны інвестуюць сюды", - працягнуў беларускі лідар.

"І потым, калі некаторыя расіяне нас увесь час папракаюць, што мы з Захадам размаўляем, так, я думаю, трэба на сябе паглядзець. Напэўна, больш, чым Расія, ніхто не імкнецца на Захад ці наладзіць адносіны з Захадам і з Амерыкай. Так у чым вы нас папракаеце? " - паставіў пытанне кіраўнік дзяржавы.

"Таму быць беларуска-расійскім адносінам на самым высокім узроўні", - падкрэсліў Аляксандр Лукашэнка.

"Мы ніколі не будзем разбураць ніводнае інтэграцыйнае аб'яднанне. Выбачайце за нясціпласць, я з'яўляўся ініцыятарам шматлікіх гэтых інтэграцыйных аб'яднанняў, яшчэ пачынаючы з часоў Ельцына, і адмаўляцца ад гэтага я не маю намеру. Але калі нас штурхаюць нагамі, мы вымушаны адказваць", - дадаў прэзідэнт.

БЕЛТА

Дадаць каментар

Выбар рэдакцыі

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача. 

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.