У 2018/2019 навучальным годзе студэнты Белдзяржуніверсітэта будуць пражываць у дзевяці інтэрнатах. Усяго для іх будзе выдзелена больш як 7900 месцаў, што складае 72% ад агульнай колькасці тых, хто мае патрэбу ў жыллі. Гэты паказчык практычна ідэнтычны мінулагодняму.
У першую чаргу магчымасць пражывання ў інтэрнатах на ўвесь навучальны год атрымалі студэнты, якія маюць ільготы ў адпаведнасці з заканадаўствам Рэспублікі Беларусь, а таксама ўваходзяць у катэгорыю сацыяльна неабароненых грамадзян. Далей у інтэрнаты засяляюцца студэнты з найбольш высокім балам і студэнты, якія праявілі сябе ў навукова-даследчай, спартыўнай, культурна-масавай і грамадскай дзейнасці.
Згодна з планам фінансавання бягучага рамонту інтэрнатаў БДУ, у лютым—маі 2019 года будзе праведзены рамонт у інтэрнатах № 4 і № 11. У бліжэйшай перспектыве таксама плануецца капітальны рамонт інтэрната №10. “Нягледзячы на гэта, усім студэнтам, якія пражываюць тут, будзе прадстаўлена месца ў іншых інтэрнатах БДУ. Ушчыльненне інтэрнатаў не з'яўляецца рашэннем сённяшняга дня. Дадзеная практыка прымяняецца з году ў год у перыяд правядзення планавых рамонтных работ у інтэрнатах БДУ”, — падкрэсліваюць у адмінстрацыі ўніверсітэта.
Надзея НІКАЛАЕВА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?