Вы тут

«Касмічны дэсант» высадзіцца ў беларускай сталіцы


Каля 90 касманаўтаў прымуць удзел у 31-м міжнародным кангрэсе Асацыяцыі ўдзельнікаў касмічных палётаў у Мінску. Кангрэс пройдзе ў беларускай сталіцы з 9 па 15 верасня. Агульная колькасць яго ўдзельнікаў — больш як 200 спецыялістаў з 19 краін: Германіі, Нідэрландаў, Швецыі, Аўстрыі, Кітая і іншых.


— Самымі прадстаўнічымі будуць дэлегацыі з Расіі і ЗША, — расказаў журналістам намеснік старшыні Прэзідыума Нацыянальнай акадэміі навук Беларусі Сяргей КІЛІН. — Мы чакаем у госці першага кітайскага касманаўта Яна Лівэя, першую жанчыну-касманаўта, якая выйшла ў адкрыты космас, — Святлану Савіцкую, Сяргея Крыкалёва — касманаўта, які правёў у касмічных камандзіроўках увогуле практычна тры гады свайго жыцця (803 дні). Кангрэс наведае і легендарны савецкі касманаўт Віктар Савіных. Палёт Уладзіміра Джанібекава і Віктара Савіных стаў адной з самых складаных місій у гісторыі сусветнай касманаўтыкі. Перад імі стаяла задача — прыстыкавацца ўручную да некіраванага «Салюта-7» і рэанімаваць касмічную станцыю пасля адключэння энергасістэмы. Іх подзвіг быў пакладзены ў аснову аднайменнага мастацкага фільма.

Асацыяцыя ўдзельнікаў касмічных палётаў у Мінску (АУКП) — міжнародная некамерцыйная арганізацыя, якая аб'ядноўвае касманаўтаў з многіх краін. Яна была створана больш як 30 гадоў таму для абмену вопытам у галіне пілатаваных касмічных палётаў. Міжнародны кангрэс АУКП збірае штогод касманаўтаў, прадстаўнікоў навукова-даследчых устаноў і нацыянальных касмічных агенцтваў. Напрыклад, у Мінску запланаваны чатыры тэхнічныя сесіі, падчас кангрэса будуць заслуханы таксама справаздачы касманаўтаў, якія пабывалі за апошні год на Міжнароднай касмічнай станцыі.

— Правядзенне міжнароднага кангрэса ў Мінску — добры спосаб нагадаць усім пра Беларусь як пра касмічную дзяржаву, — падкрэсліў Сяргей Кілін. — На кангрэсе будуць абмяркоўвацца расійскія касмічныя праграмы, праграмы NАSА, нацэленыя на аднаўленне даследаванняў Месяца, стварэнне месяцовай арбітальнай станцыі, палёт на Марс, а таксама праекты па падрыхтоўцы чалавека да працяглых палётаў. Дарэчы, беларусам было прапанавана ўдзельнічаць у праекце SІRІUS са сваімі заданнямі і, магчыма, наш чалавек будзе ўключаны ў эксперыменты па знаходжанні ва ўмовах працяглай ізаляцыі ў абстаноўцы, якая мадэлюе абстаноўку на касмічным караблі.

Сяргей Кілін падкрэсліў, што сёння цэлы пласт эканамічных праблем вырашаецца толькі з дапамогай касмічных тэхналогій: ад маніторынгу надзвычайных сітуацый і забеспячэння мабільнай сувязі да будаўніцтва дарог і кантролю за эпідэміямі.

Шмат увагі падчас кангрэса будзе прысвечана папулярызацыі касмічных праграм і даследаванняў сярод моладзі, бо сёння мала хто з падрастаючага пакалення цікавіцца космасам — мода прайшла... Будзе арганізаваны шэраг сустрэч касманаўтаў са школьнікамі і студэнцкай моладдзю. У Мінск для гэтага прыедуць прадстаўнікі з усіх абласцей. Таксама ў Цэнтральным батанічным садзе будзе закладзена алея касманаўтаў, а на вуліцы Касманаўтаў у Мінску адкрыецца памятны знак «Беларусам — героям космасу» работы скульптара Івана Міско.

Надзея НІКАЛАЕВА

Дадаць каментар

Выбар рэдакцыі

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача. 

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.