Вы тут

Знайсці і абясшкодзіць


Вынікі выканання работ па рэгуляванні распаўсюджвання і колькасці баршчэўніку Сасноўскага ў першым паўгоддзі былі разгледжаны ў рамках выязной калегіі Міністэрства прыродных рэсурсаў і аховы навакольнага асяроддзя, якая адбылася ў Лагойскім раёне.


Рэгуляванне распаўсюджвання і колькасці баршчэўніку Сасноўскага адносіцца да мерапрыемстваў па навядзенні парадку на зямлі. Яго выканаўцамі з'яўляюцца мясцовыя выканаўчыя і распарадчыя органы, іншыя дзяржаўныя органы і арганізацыі. Мінпрыроды, як каардынатар, вядзе кантроль за выкананнем гэтых работ.

Па выніках палявых абследаванняў і навуковых даследаванняў, выкананых у 2017 годзе, усяго на тэрыторыі краіны па стане на 1 студзеня гэтага года ўстаноўлена 1148 карыстальнікаў зямельных участкаў і водных аб'ектаў, у якіх выяўлена 4534 месцы росту баршчэўніку Сасноўскага на плошчы 2924 гектараў. Найбольш інвазіраванай у краіне з'яўляецца Віцебская вобласць (Ушацкі, Гарадоцкі, Віцебскі, Браслаўскі, Талачынскі і Сенненскі раёны), на другім месцы па ступені небяспекі стаіць Мінская вобласць (Лагойскі, Мінскі, Валожынскі, Слуцкі, Пухавіцкі, Барысаўскі і Нясвіжскі раёны).

Работа па выкананні мерапрыемстваў па рэгуляванні распаўсюджвання і колькасці баршчэўніку Сасноўскага, якая праводзілася ў першым паўгоддзі гэтага года, дазволіла стабілізаваць сітуацыю па краіне, разам з тым не ў поўным аб'ёме выкананы заданні па рэгуляванні распаўсюджвання і колькасці гэтай расліны на тэрыторыі Віцебскай вобласці, паведамляе сайт Мінпрыроды.

Па стане на 1 ліпеня мерапрыемствы па рэгуляванні распаўсюджвання і колькасці баршчэўніку Сасноўскага ў цэлым па краіне праведзены на плошчы 2845,7 гектара ці 97,3 працэнта ад устаноўленага задання на першае паўгоддзе. За выключэннем Віцебскай вобласці (85 працэнтаў ад устаноўленага задання на 1-е паўгоддзе), ва ўсіх астатніх абласцях і Мінску азначанае заданне выканана ў поўным аб'ёме.

Не забяспечана выкананне мерапрыемстваў па барацьбе з баршчэўнікам у поўным аб'ёме шэрагам прадпрыемстваў міністэрстваў лясной гаспадаркі, транспарту і камунікацый, сельскай гаспадаркі і харчавання, энергетыкі.

Варта адзначыць, што асноўнымі праблемамі ў частцы рэгулявання распаўсюджвання і колькасці баршчэўніку Сасноўскага з'яўляецца адсутнасць дакладных даных аб колькасці і плошчах росту гэтай расліны і неабходнасць устанаўлення дакладных межаў зямельных участкаў, на якіх выяўлены баршчэўнік Сасноўскага, для ўстанаўлення землекарыстальніка.

Мінпрыроды ўзяло на кантроль правядзенне мясцовымі выканаўчымі і распарадчымі органамі палявых абследаванняў для выяўлення новых месцаў росту баршчэўніку з мэтай наступнага фарміравання паказчыкаў рэспубліканскага плана мерапрыемстваў па навядзенні парадку на зямлі на 2019 год.

Сяргей РАСОЛЬКА

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.