Вы тут

У паўфінале чэмпіянату свету па праграмаванні — 9 беларускіх каманд


Адразу чатыры каманды Беларускага дзяржаўнага ўніверсітэта выйшлі ў паўфінал чэмпіянату свету па праграмаванні сярод студэнтаў. Гэту магчымасць яны заваявалі ў чвэрцьфінале прэстыжных спаборніцтваў, якія завяршыліся ў Мінску.


Абсалютным пераможцам чвэрцьфіналу стала каманда факультэта прыкладной матэматыкі і інфарматыкі БДУ, якая рашыла 11 з 12 задач за найменшы час. У яе склад увайшлі першакурснік Аляксандр Кернажыцкі і студэнты другога курса Фёдар Карабейнікаў і Ягор Дубовік. Гэта адно з найлепшых вынікаў выступленняў студэнтаў Белдзяржуніверсітэта  за апошнія гады.

Таксама па выніках чвэрцьфіналу ў паўфінале выступяць тры каманды Беларускага дзяржаўнага ўніверсітэта інфарматыкі і радыёэлектронікі, дзве — з Латвійскага універсітэта і па адной з Брэсцкага дзяржаўнага ўніверсітэта імя А.С. Пушкіна, Гродзенскага дзяржаўнага ўніверсітэта імя Янкі Купалы, Балтыйскага Федэральнага ўніверсітэта імя Імануіла Канта (Расія), Вільнюскага ўніверсітэта, Вільнюскага тэхнічнага ўніверсітэта імя Гедыміна і Каўнаскага тэхналагічнага ўніверсітэта.

Удзельнікамі адборачнага этапу спаборніцтваў у Мінску сталі 45 студэнцкіх каманд з Беларусі, Латвіі, Літвы і Калінінградскай вобласці Расіі З іх шэсць зборных выступалі за факультэт прыкладной матэматыкі і інфарматыкі БДУ.

У чвэрцьфінале студэнтам прапаноўвалася вырашыць 12 алгарытмічных задач за 5 гадзін. Згодна з рэгламентам кожнай камандзе прадастаўляўся адзін камп’ютар. Перамога прысуджалася зборнай, якая рашыла большую колькасць задач за найменшы час.

Паўфінал чэмпіянату свету па праграмаванні адбудзецца ў снежні гэтага года ў Санкт-Пецярбургу. А фінал пройдзе ў г. Порту (Партугалія) у красавіку 2019 года.

Надзея НІКАЛАЕВА

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».