У Аршанскім рэгіёне стартуе сацыяльны праект для сельскіх жанчын

У Аршанскім рэгіёне стартуе сацыяльны праект для сельскіх жанчын. Як падаць заяўку?

Беларускі дзіцячы фонд сумесна з мясцовым райвыканкамам запускае сацыяльны дабрачынны праект «Навучанне жанчын Аршанскага раёна асновам аграбізнесу, прадукцыйнаму выкарыстанню зямельных участкаў для атрымання дадатковага даходу для сям'і, адкрыцця малога бізнесу і ўключэнню ў працэс самазанятасці», паведамляе «Аршанская газета».

Да ўдзелу ў праекце запрашаюцца ініцыятыўныя і працаздольныя жанчыны раёна, якія маюць свае прысядзібныя ўчасткі, якія гатовыя атрымліваць дадатковыя веды ў галіне аграбізнесу і ўжываць іх у працы на сваіх участках, атрымліваючы дадатковы даход для сваёй сям'і.

У рамках праекта жанчыны змогуць атрымаць карысныя парады ад бізнесменаў, якія практыкуюць у галіне малога прадпрымальніцтва ў аграрнай сферы.

Пакінуць заяўку патэнцыйным удзельніцам прапануюць па тэлефоне: 8 (0216) 51-03-91, а таксама па адрасе: г. Орша, вул. Леніна, д. 43, кабінет № 19.