Паводле апошняй інфармацыі, 3 чалавекі былі забітыя і 12 параненыя ў выніку страляніны ў цэнтры Страсбурга, паведаміў міністр унутраных спраў Францыі Крыстоф Кастаньер. Відавочцы кажуць, што чулі не менш за дзясятак стрэлаў. Сямёра пацярпелых знаходзяцца ў крытычным стане.
Нападнік уступіў у перастрэлку з паліцыяй і, магчыма, быў паранены, аднак здолеў уцячы. У яго пошуках удзельнічаюць сотні супрацоўнікаў сіл бяспекі.
Інцыдэнт адбыўся побач з калядным кірмашом на плошчы Клебер ў цэнтры горада. Паліцыя і сілы бяспекі ачапілі гэты раён горада, рух транспарту там спынены.
Адкрытая крымінальная справа па падазрэнні ў тэрарызме, прэзідэнт Макрон накіраваў у Страсбург міністра ўнутраных спраў Крыстафа Кастаньера.
МУС Францыі заклікае жыхароў Страсбурга не выходзіць на вуліцу.
Ведамства паведаміла, што асоба нападніка ўстаноўлена, і што ён раней ужо меў праблемы з законам і быў вядомы уладам.
Французскія СМІ паведамляюць, што раніцай у аўторак паліцыя здзейсніла аблаву на дом 29-гадовага падазраванага, збіраючыся арыштаваць яго, аднак таго ўдалося схавацца. У яго доме, як паведамляюць, былі знойдзены гранаты.
Наколькі вядома, злачынец узброены аўтаматычнай зброяй.
Страсбург - горад на ўсходзе Францыі, дзе размяшчаюцца Еўрапейскі парламент, Савет Еўропы, а таксама шматлікія ўстановы і органы Еўрасаюза.
Будынак Еўрапарламента ў Страсбургу быў зачынены ў сувязі са стралянінай у цэнтры горада, супрацоўнікам і дэпутатам рэкамендавана ў мэтах бяспекі пакуль не выходзіць на вуліцу.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
