Вы тут

Сацыяльны праект БДУ “free MOWA” ўдастоены Гран-пры на Social Weekend


На Рэспублікансім конкурсе сацыяльных праектаў Social Weekend праект БДУ “free MOWA” заваяваў Гран-пры. Праект накіраваны на развіццё камунікатыўных здольнасцяў у дзяцей з цяжкімі захворваннямі. Аўтарам ініцыятывы выступіла дацэнт факультэта філасофіі і сацыяльных навук Таццяна Сініца.


Пяць спецыялістаў, уключаючы Таццяну, аказваюць дапамогу сем'ям, у якіх  выхоўваюцца дзеці з абмежаванымі магчымасцямі. З падапечнымі індывідуальна праводзяцца заняткі па спецыяльна распрацаванай праграме ўзаемадзеяння. Удзельнікамі навучальнага працэсу з'яўляюцца таксама бацькі, якім спецыялісты дапамагаюць наладзіць кантакт са сваімі дзецьмі.

Ідэя стварэння праекта з'явілася ў Таццяны Сініцы пяць гадоў таму. Для яго рэалізацыі яна прайшла навучанне ў сацыяльнай школе “Карытас” у Санкт-Пецярбургу, прыняла ўдзел у некалькіх канферэнцыях і наведала цэнтры, якія займаюцца падобнай дзейнасцю ў Расіі.

Таксама праект БДУ “free MOWA” атрымаў фінансавую падтрымку для далейшага развіцця. На гэтыя сродкі Таццяна Сініца плануе набыць спецыяльныя камунікатыўныя прылады для дзяцей і абсталяваць памяшканне для заняткаў. У перспектыве каманда праекта спадзяецца дапамагаць і дарослым людзям, якія перанеслі інсульт і іншыя цяжкія захворванні.

Усяго ў фінале конкурсу Social Weekend было прадстаўлена 17 праектаў.

Конкурс сацыяльных праектаў Social Weekend праводзіцца больш за пяць гадоў. Штогод журы ацэньвае сотні унікальных прапаноў. Паўдзельнічаць у ім  можа любы аўтар сацыяльна значнага праекта.

Арганізатарам конкурсу выступіў сацыяльны фонд “Добра”

Надзея НІКАЛАЕВА

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.