Вы тут

«Беларусь 1» пакажа драму «БССР. Невядомая гісторыя»


Да 100-годдзя ўтварэння БССР, якое адзначаецца сёлета, тэлеканал «Беларусь 1» падрыхтаваў адмысловы праект — публіцыстычныя партрэты людзей, якія прымалі самы непасрэдны ўдзел у гістарычных падзеях. Зміцер Жылуновіч, Аляксандр Чарвякоў, Вільгельм Кнорын, Аляксандр Мяснікоў — некалі гэтыя імёны былі вядомыя ўсёй краіне, але пазней біяграфіі гэтых дзяржаўных дзеячаў шчыльна рэдагаваліся і «падчышчаліся», таму сучасныя беларусы ведаюць пра дасягненні, жыццёвыя прынцыпы і ідэалы гэтых людзей не так і шмат.


Запоўніць гэтыя прабелы тэлевізійнікі пастараліся ў чатырохсерыйнай дакументальнай драме «БССР. Невядомая гісторыя», што выйдзе ў эфір з 8 па 11 студзеня. «Гэта спроба расказаць гісторыю з пункту гледжання сучаснасці, не ідэалізуючы, але суперажываючы», — падкрэслівае аўтар серыяла Вікторыя Касянюк. Каб адшукаць і праверыць цікавыя факты, убачыць арыгіналы важных дакументаў, абмеркаваць розныя версіі падзей з вядомымі гісторыкамі і сустрэцца з нашчадкамі сваіх герояў, здымачная група праекта пабывала не толькі ў розных гарадах Беларусі, але таксама ў Смаленску, Маскве, Ерэване. Удалося адшукаць, напрыклад, унучатую пляменніцу Змітра Жылуновіча — не толькі бальшавіцкага дзеяча, але і паэта Цішкі Гартнага, моднага дэндзі і ахвяры палітычных гульняў, які дабіваўся прызнання беларусаў самастойнай нацыяй, але быў выключаны з партыі, арыштаваны, названы псіхічна хворым і памёр у псіхіятрычнай лякарні пры цьмяных абставінах...

Дакументальны серыял унікальны тым, што некаторыя нашчадкі вядомых гістарычных дзеячаў упершыню пагадзіліся даць інтэрв'ю перад камерамі. Рэканструяваць падзеі мінулага рэжысёры Яна Шаблыка і Алег Рудзін паспрабавалі з дапамогай журналісцкіх расследаванняў, мізансцэн з удзелам акцёраў Алега Коца (Мяснікоў), Валерыя Глазкова (Жылуновіч), Дзмітрыя Саснова (Кнорын) і Паўла Бельскага (Чарвякоў) і гульні са святлом і ценямі, якія запаўняюць тую ці іншую недаказанасць.

Вікторыя ЗАХАРАВА

Крыніца фота БТРК

Выбар рэдакцыі

Грамадства

У Чавусах створана сістэма па падтрымцы людзей і чалавечых сувязяў

У Чавусах створана сістэма па падтрымцы людзей і чалавечых сувязяў

Клопат аб людзях паважнага ўзросту набывае ў нашым грамадстве асаблівае значэнне.

Грамадства

Сістэма аплаты працы бюджэтнікаў стане прасцейшай

Сістэма аплаты працы бюджэтнікаў стане прасцейшай

Гэта прадугледжана Указам Прэзідэнта ад 18 студзеня 2019 года № 27 «Аб аплаце працы работнікаў бюджэтных арганізацый». 

Грамадства

Куда ехать за впечатлениями? Рассказывают представители туриндустрии

Куда ехать за впечатлениями? Рассказывают представители туриндустрии

Ко ІІ Европейским играм готовятся не только спортсмены, но и туркомпании.