Вы тут

Мінфін павысіў цэны на скупку каштоўных металаў у насельніцтва


Міністэрства фінансаў Беларусі змяніла цэны на скупку каштоўных металаў у насельніцтва. Гэта вынікае з пастановы ведамства, размешчанай на Нацыянальным прававым інтэрнэт-партале, паведамляе БЕЛТА.


Новыя цэны на каштоўныя металы ў вырабах і ломе, што скупляюцца ў фізічных асоб, устанаўліваюцца пастановай Міністэрства фінансаў нумар 2 ад 11 студзеня. 

У прыватнасці, цана за грам золата павысілася з Br38,28 да Br43,45 за метал 583-й і 585-й проб, 1 г плаціны 950-й пробы - з Br42,13 да Br43,91. Кошт грама серабра 916-й і 925-й пробы складае Br0,81 - раней было Br0,76 і Br0,77 адпаведна. Цана за 1 г паладыю ўстаноўлена ў памеры Br73,12 (раней - Br49,47).

Павышаюцца і скупачныя цэны на каштоўныя металы ў выглядзе зубатэхнічнай прадукцыі. Так, цана за зубныя пратэзы, элементы зубных пратэзаў з наяўнасцю золата 900/750-й пробы вырасла з Br57,92 да Br65,73, пратэзаў са сплаву золата 750-й пробы з плацінай і серабром - з Br53,14 да Br59,93. Грам дэталей зубных пратэзаў сярэбрана-паладыевага сплаву будзе каштаваць Br14,22 (раней - Br9,8).

Новыя цэны ўводзяцца з 16 студзеня. Яны не датычацца куплі-продажу банкаўскімі і нябанкаўскімі крэдытна-фінансавымі арганізацыямі каштоўных металаў у выглядзе мерных зліткаў і манет у фізічных асоб.

Выбар рэдакцыі

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».

Грамадства

Успаміны бортмеханіка верталёта пра Афганістан

Успаміны бортмеханіка верталёта пра Афганістан

У лётнай кніжцы Сяргея Пацкевіча — 970 гадзін налёту.