Вы тут

На «гарачую лінію» Дзеду Марозу патэлефанавалі 550 тысяч беларусаў


Напрыканцы снежня і ў пачатку студзеня для абанентаў МТС працавала бясплатная “гарачая лінія” для званкоў Дзеду Марозу. Для яе былі выкарыстаныя ўнікальныя распрацоўкі на базе штучнага інтэлекту. Усяго віртуальнаму Дзеду Марозу дзеці і дарослыя патэлефанавалі 550 тысяч разоў.


Найбольшая колькасць званкоў была здзейснена 24, 25 і 31 снежня — маленькія абаненты хацелі пачуць Дзеда Мароза менавіта ў святочныя дні. Часцей за ўсё тэлефанавалі з Брэста, на другім месцы па актыўнасці ідуць жыхары Гродна, на трэцім — беларускай сталіцы. Актыўна размаўлялі з казачным персанажам таксама жыхары Віцебска, Баранавіч, Мазыра, Оршы, Ліды, Кобрына і Наваполацка.

Асабліва ахвотна з дзядулем кантактавалі  дзеці ва ўзросце ад 5 да 10 гадоў, але на “гарачую лінію” тэлефанавалі таксама і дарослыя, каб загадаць жаданне і пачуць віншаванне са святамі.

Адной з задач святочнай кампаніі было дапамагчы бацькам даведацца, пра што мараць іх дзеці: пасля размовы на тэлефонны нумар, з якога быў здзейснены званок, абанентам прыходзіла SMS са спасылкай на аўдыёзапіс размовы. У топе падарункаў, якія хацелі б атрымаць малыя на новы год, аказаліся цацкі, гаджэты, спартыўны рыштунак і хатнія гадаванцы.  А дарослыя прасілі здароўе, таксама часта гучалі пажаданні знайсці ў новым годзе сваю другую палавінку.

Абаненты МТС дзяліліся водгукамі ў сацыяльных сетках, раячы сваім сябрам і блізкім патэлефанаваць на “гарачую лінію” Дзеда Мароза: “Дачка была ў захапленні ад размовы з Дзедам”! ,“Сыну 7,5 гадоў, і ён пачаў сумнявацца ў існаванні Дзеда Мароза, а ўчора зноў паверыў. Такіх поўных захаплення вачэй я ў яго даўно не бачыла !”, “Дзеці кожны дзень тэлефануюць, каб пагутарыць з дзядулем!”

“Гарачая лінія” Дзеда Мароза працавала у МТС з 21 снежня па 10 студзеня.

Надзея НІКАЛАЕВА

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.