Вы тут

Аляксандр Быкаў. Зямныя ружы


— Як мне надакучылі людзі! — усклікнула Яна.

— І я часам не хачу на іх глядзець! — адказаў Ён.

— Я хацела б збегчы куды-небудзь далёка-далёка, у іншы свет, дзе няма людзей. І каб у нас, як у Маленькага Прынца, была ўласная планета, — прамовіла Яна.

— І што б мы з табой на ёй рабілі?

— Ты пасадзіў бы ружы, а як вырастуць, прыносіў бы іх кожную раніцу мне ў ложак і прызнаваўся б у каханні, — прадоўжыла Яна.

— Прыгожая мара, — пагадзіўся Ён. — А што, калі і мы надакучым аднойчы адно аднаму?

— Гэтага не здарыцца, бо там у нас не будзе іншага выбару, — растлумачыла Яна.

— Але ж у чалавека павінен быць выбар! — адказаў Ён.

— Не заўсёды, — запярэчыла Яна. — Мы ж не выбіраем, напрыклад, дзе нарадзіцца...

— Але тады мы ўсяго гэтага больш не ўбачым! — паказаў Ён на акно.

— Атрымліваецца, што так, — адказала Яна.

— Дык, можа, пакуль нікуды не паляцім? — перапытаў Ён.

— Тады замкнём дзверы, адключым тэлевізар, тэлефон і інтэрнэт, — Яна ўлюбёна зірнула каханаму ў вочы. — А заўтра раніцай ты падорыш мне ружы, няхай і зямныя...

— Згодны, — адказаў Ён. — Толькі... Давай, не сёння.

— Чаму? — здзівілася Яна.

— Сёння якраз гуляе «Дынама». А яшчэ трэба зрабіць некалькі важных званкоў, зайсці ў «Фэйсбук», ды і сябар абяцаў завітаць.

— А як жа мы? — ледзь чутна спытала Яна, але Ён ужо адчыняў дзверы.

І толькі ў вечаровым небе ледзь бачным блакітным агеньчыкам свяцілася паміж мільярдаў зорак іх маленькая планета.

Выбар рэдакцыі

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці. 

Грамадства

Што шукаюць сем'і, якія едуць да айца Валерыяна ў пасёлак Смілавічы?

Што шукаюць сем'і, якія едуць да айца Валерыяна ў пасёлак Смілавічы?

Звязацца з храмам у гонар Георгія Перамаганосца, дзе служыць айцец Валерыян, можна па тэлефоне, які няцяжка знайсці ў інтэрнэце. 

Эканоміка

На «ТІБО-2019» Белпошта паказала новыя тэхнічныя цікавінкі

На «ТІБО-2019» Белпошта паказала новыя тэхнічныя цікавінкі

Якія неўзабаве ўвойдуць у прафесійны побыт.

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!