20 кастрычніка, аўторак

Вы тут

Таямніцы сподняга


Яго носяць усе, але большасць нармальных людзей без неабходнасці не імкнецца акцэнтаваць на ім увагу. Ну, хіба толькі калі які форс-мажор... («Ідзеш у казіно — надзявай самыя прыгожыя трусы. Магчыма, менавіта ў іх ты будзеш вяртацца».) Або свята. Што звычайна дораць жанчыны сваім мужчынам на 23 лютага? Правільна, апроч пенкі для галення — трусы і шкарпэткі. («— Ну што, давайце цяпер спарвацца, — сказаў мужык і сеў перад кучай памытых шкарпэтак».) Дарэчы, пра апошнія. Навукоўцы раскрылі ролю шкарпэтак у... жаночым аргазме. Так, у даследаванні нідэрландскіх вучоных адзначаецца, што жанчыны ў 1,6 раза часцей адчуваюць «матылькоў у жываце», калі падчас сексу не здымаюць шкарпэткі. На думку спецыялістаў, гэта дазваляе ім адчуваць сябе ў бяспецы і камфорце. («— Сонечка, такі ты шукаеш новага мужчыну, не расстаўшыся з папярэднім?! — Хаечка, такі калі ты ідзеш у краму купляць новы абутак, дык ты што, ідзеш басанож?») Ды і мужчыны раз-пораз спрабуюць на 8 сакавіка дагадзіць другім палавінкам тым жа, робячы гэта, як умеюць. («Прадаўшчыца сподняй бялізны з сёмым памерам грудзей яшчэ ні разу не чула фразу: «Прыкладна, як у вас».)


Увогуле, пры дапамозе гэтых інтымных прадметаў можна прасачыць станаўленне і развіццё ўзаемаадносін паміж мужчынам і жанчынай. («Кашуля-хлопец шукае блузка-дзяўчыну для стварэння гардэробу».) Напачатку кіпяць жарсці, потым стасункі становяцца больш спакойным. («Мой муж прыйшоў дадому з работы, а я адчыніла яму дзверы ў чорнай скураной бялізне, сексуальных панчохах і масцы. Ён паглядзеў і спытаў: «Пажэрці ёсць, Бэтмен?») У некаторых яны заканчваюцца не вельмі добра... («— Вой, блі-і-і-і-н, ты што, шкарпэткі змяніў? Ты ж усяго два месяцы іх насіў! — Але, мілая... — Ну-ка, у вочы! Хто яна?»)

...На гэтыя нататкі падштурхнула даследаванне вучоных Гарвардскай школы грамадскага здароўя, якое рэабілітавала сямейныя трусы, — яны прызнаныя самымі лепшымі для мужчын, бо прыкметна павялічваюць здольнасць стаць бацькам. («Цікава, у мяне аднаго самае любімае і зручнае хатняе адзенне выглядае так, быццам я яго з боем адбіў у бамжа?») Апошнім часам прадстаўнікі дужай паловы чалавецтва сталі аддаваць перавагу абцягвальнай сподняй бялізне. (Памятаеце амерыканскі фільм «Выбух з мінулага»? Ева размаўляе з Кліфам: «— Што ты тут робіш? — Забіраю рэчы. — Свае рэчы?! Пакажы. Па трусы вярнуўся? — А ты як думала, гэта трусы Джані Версачэ». Пасля Адам звяртаецца да Евы: « — Я хацеў спытаць, чаму Кліф носіць трусы іншага мужчыны».) Дык вось, навукоўцы даказалі, што сямейныя трусы найбольш аптымальныя для мужчынскай «гаспадаркі», паколькі дазваляюць падтрымліваць для яе аптымальную тэмпературу з усімі вынікаючымі наступствамі. («— Ты чаму ходзіш па кватэры ў адных трусах? — У дваіх горача».) Шчыра кажучы, знайшлі чым здзівіць. У нас, не кажучы пра жарты, нават рэдкі фільм абыходзіцца без дэманстрацыі гэтай «каштоўнасці». І «Верныя сябры», і «Каліна чырвоная», і «Брыльянтавая рука», і... Памятаеце расійскі крымінальна-трагікамічны тэлесерыял пачатку 2000-х NEXT? Там у адным эпізодзе злодзей у законе, аўтарытэт «старых паняццяў» Лаўр у выкананні Аляксандра Абдулава наведвае рынак у пошуках «нармальных чалавечых сацінавых трусоў». А тут, бач ты, цэлае даследаванне...

Прадстаўніцы ж прыгожай паловы чалавецтва ў плане сподняга летась здзівілі двума трэндамі. Навінкай для ўладальніц пышнага бюста стаў так званы гамак-ручнік, створаны як альтэрнатыва звычайнаму бюстгальтару. («Каб зразумець жанчыну, трэба думаць як туфлі».) Пішуць, што ён добра дапамог перажыць спякотныя дні. Ну, калі справа толькі ў гэтым, тады наступны трэнд з «Інстаграма» яшчэ больш карысны. Дзяўчаты сталі адмаўляцца пры здымках ад бюстгальтараў, проста прыкрываючы грудзі валасамі. Да флэшмобу далучыліся не толькі простыя прыгажуні, але і вядомыя людзі. («Жаночае адзенне, па сутнасці, дзеліцца на два віды: або хавае недахопы, або падкрэслівае вабноты».)

Калі, як мы ўжо казалі вышэй, большасць людзей стараецца не афішаваць усю паднаготную, знаходзяцца і тыя, хто ідзе насуперак правілам. Так, вынаходніца Сара Петкус з Лос-Анджэлеса паказала гаджэт, які, па яе словах, прызваны дапамагчы людзям наладжваць «сексуальны дыялог». Калі коратка, гэта некалькі аб'яднаных устройстваў для вымярэння «інтымных аспектаў фізічнага стану, якія інакш былі б незаўважанымі». («Якія функцыі ў бюстгальтара? Ён аб'ядноўвае раздзеленых! Падтрымлівае слабых! Прыцягвае моцных! Падманвае наіўных...») Праз наручны дысплей уладальніца гаджэта (і ўсе навакольныя) будзе ведаць ступень узбуджэння — ад датчыкаў, замацаваных на «пятай кропцы», грудзях і палавых органах. («Увогуле, «пятая кропка» любіць не прыгоды, а мяккі ложак, цёплую ванну, далікатнае мыла, дарагую бялізну. Але хто ў яе пытаецца?») Адначасова вынаходніца прадставіла «разумную» споднюю бялізну, якая можа павышаць узбуджальнасць, ствараючы вібрацыю «там, дзе трэба» ў такт біцця сэрца, пояс, які сціскае талію ў момант найбольшага ўзбуджэння і г. д. («Я прапанавала яму каву, а ён на грудзі зірнуў тайком. Мне адразу ўсё стала зразумела: мабыць, хоча з малаком».)

Напрыканцы перафразую словы з вядомай песні: думайце самі, вырашайце самі — насіць гэта або не насіць...

Кастусь ХАЦЕЛАЎ-ЗМАГЕЛАЎ

Выбар рэдакцыі

Культура

Франтавiк Мiхаiл Чэпiк эксперыментаваў з аэражывапiсам

Франтавiк Мiхаiл Чэпiк эксперыментаваў з аэражывапiсам

Як хлапчук з беларускай глыбiнкi здолеў паступiць у Маскоўскае мастацкае вучылiшча iмя Калiнiна?

Грамадства

Экс вiцэ-прэм'ер Уладзiмiр Дражын: Галоўнае — не разбурыць, а захаваць i працягнуць работу

Экс вiцэ-прэм'ер Уладзiмiр Дражын: Галоўнае — не разбурыць, а захаваць i працягнуць работу

Аб альтэрнатыве клайпедскаму порту, рэканструкцыi Нясвiжскага палаца i роднай мове падчас сямейных сустрэч.

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.