Вы тут

Каля $70 млн патрацілі беларусы на відэагульні ў 2018 годзе


У канцы студзеня даследчыкі кампаніі NewZoo абнавілі метадалогію ацэнкі індустрыі відэагульняў і абвясцілі новую статыстыку. Згодна з ёй, гадавы даход гэтага сегмента ў Беларусі за 2018 год склаў $69,3 млн. Гэта на 8 % больш, чым у 2017 годзе, калі беларусы патрацілі на відэагульні $64,2 млн.


У міжнародным спісе са 100 краін, жыхары якіх выдаткавалі на камп'ютарныя «цацкі» больш за ўсё грошай у 2018 годзе, Беларусь заняла 68-е месца і размясцілася паміж Сербіяй ($74 млн) і Пуэрта-Рыка ($67 млн). А вось ва Усходняй Еўропе наша краіна заняла 11-е месца, апярэджваючы Харватыю ($60 млн) і Літву ($52 млн).

Адзінай галіной індустрыі, у якой зафіксавана зніжэнне даходу, з'яўляюцца браўзерныя (анлайнавыя) гульні. У параўнанні з 2017 годам прыбытак ад іх скараціўся на 6,1 %, а кансольныя (на гульнявых прыстаўках) гульні, наадварот, паказалі рост на 10 %. Таксама актыўна растуць даходы ад гульняў на смартфонах і планшэтах — на 9 % і 9,3 % адпаведна.

«Тэмпы росту індустрыі ў нашай краіне не саступаюць астатнім краінам Усходняй Еўропы, дзе сукупны даход ад відэагульняў таксама вырас у сярэднім на 8 % і склаў 3,8 мільярда долараў, — каментуе справаздачу Іван Жывіца, прадстаўнік мінскага цэнтра распрацоўкі кампаніі Wargamіng. — Нязвыкла бачыць, што ў нас у краіне на першае месца па тэмпе росту выйшлі кансолі, нязначна апярэдзіўшы астатнія сегменты».

Найбольшай папулярнасцю ў нашай краіне карыстаецца гульня World of Tanks PC: на канец 2018 года было зарэгістравана больш за 2 млн уліковых запісаў.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…