Вы тут

Дэсантнікі прайшлі праверку «боем»


Зараз праводзіцца комплексная праверка баявой і мабілізацыйнай гатоўнасці злучэнняў і воінскіх часцей Узброеных Сіл. Падчас яе асабісты састаў асобнага гвардзейскага парашутна-дэсантнага батальёна 103-й асобнай гвардзейскай паветрана-дэсантнай брыгады атрымаў загад на перасоўванне ў вызначаны раён для наступнага выканання вучэбна-баявых задач.


Глыбокай ноччу бронетранспарцёры і грузавікі ў суправаджэнні экіпажаў ВАІ пакінулі ваенны гарадок злучэння і накіраваліся па маршруце. Зрабіўшы па шляху некалькі кароткіх прывалаў, гвардзейцы пераадолелі больш за 200 кіламетраў і прыбылі на ваенны палігон пад Барысавам.

У далейшым крылатая гвардыя з Віцебска паспяхова справілася з кантрольнымі заняткамі па агнявой падрыхтоўцы. Так на палігоне было арганізавана некалькі навучальных пунктаў: стральба з стралковай зброі і гранатамёта РПГ-7, выкананне нарматываў па агнявой падрыхтоўцы, выкананне практыкаванняў кантрольных стрэльбаў з ўзбраення БТР-80 і БТР-70МБ1, як з ходу, так і з кароткіх прыпынкаў па цэлях, якія з’яўляліся і рухаліся. Упрыгожваннем агнявой падрыхтоўкі дэсантнікаў стала стральба ўначы, а таксама стральба ва ўмовах дрэннай бачнасці.

Агнявыя задачы ў гэтыя дні выконвала і нададзенае батальёну артылерыйскае падраздзяленне 103 асобнай паветрана-дэсантнай брыгады. Артылерысты стралялі са 120-міліметровых наразных паўаўтаматычных мінамётаў «Нона-М1» і 122-міліметровых гаўбіц Д-30.

У той дзень аўтара гэтых радкоў асабліва здзівіла праца мінамётчыкаў. Здавалася б, «Нона-М1» толькі ў канцы 2017 паступіла ў падраздзяленні, а мінамётчыкі ўжо па-майстэрску трапляюць ва ўмоўнага непрыяцеля. Прычым хуткасць працы разлікаў сапраўды ўражвае. Літаральна за некалькі хвілін на галаву суперніка можа абрынуцца некалькі дзясяткаў мін. Як адзначаюць гвардзейцы, новы мінамёт аказаўся па-сапраўднаму эфектыўнай, а галоўнае - надзейнай зброяй.

Канчатковыя вынікі для батальёна будуць падведзены пасля самага ўважлівага аналізу з прыцягненнем дадзеных аб'ектыўнага кантролю. Але ўжо зараз можна зрабіць выснову: нашы дэсантнікі аднымі з першых заўсёды гатовыя даць адпор ворагу...

Алег АЛЯКСАНДРАЎ

Фота аўтара

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.