Вы тут

Чаргавіком можна будзе стаць нават пры наяўнасці вялікай лоджыі


Днямі дэпутаты разгледзелі папраўкі ў Жыллёвы кодэкс. У прыватнасці, у яго новай рэдакцыі вырашаецца пытанне з нормай плошчы для тых, хто мае патрэбу ў паляпшэнні жыллёвых умоў.


Аўтары прапанаванага законапраекта ўдакладнілі склад плошчаў памяшканняў, якія ўключаюцца ў агульную жылплошчу. Па дзейным кодэксе гэта сума жылой плошчы і плошчы падлогі падсобных памяшканняў, акрамя плошчы падлогі балконаў і лоджый.

Аднак у новай версіі ЖК выключэнне складуць таксама тэрасы і не ацепленыя халодныя памяшканні. «Цяпер наяўнасць вялікіх лоджый, тэрас, камор або верандаў, якія не ацяпляюцца, не будзе разглядацца як падстава для адмовы ў прыняцці на ўлік тых, хто мае патрэбу», — растлумачыў намеснік старшыні Пастаяннай камісіі па працы і сацыяльных пытаннях Палаты прадстаўнікоў Алег Леўшуноў.

Цяпер у кодэксе таксама пашырана паняцце сваякоў, куды прапануецца ўключыць членаў сям'і не толькі мужа і жонкі, але і іх дзяцей. Бо людзі сутыкаюцца з цяжкасцямі. Напрыклад, муж дачкі пры ўсяленні ў кватэру яе бацькоў не можа быць прызнаны членам сям'і нават пры наяўнасці пісьмовага пагаднення. Хоць фактычна яны вядуць агульную гаспадарку. У судовым парадку такія грамадзяне могуць быць прызнаныя членамі сям'і толькі пасля пяці гадоў пражывання з уласнікам або наймальнікам. «Пры ўнясенні паправак улічваўся Кодэкс аб шлюбе і сям'і, па якім сваякі жонкі прызнаюцца сваякамі для мужа», — адзначыў парламентарый.

Новая рэдакцыя Жыллёвага кодэкса выключае прыватызацыю «квадратных метраў» дзяржаўнага жыллёвага фонду і выдзяленне іх па дагаворах паднайму. З 1 ліпеня 2016 года тэрмін звароту грамадзян па прыватызацыю займанага жылля скончыўся, а абавязацельствы па дагаворах паднайму спыненыя. Удакладняецца парадак выдзялення жылля дзяржаўнага жылфонду, таксама з улікам яго новай структуры: увядзенне арэнднага жылля, скасаванне жылых памяшканняў спецыяльнага службовага жыллёвага фонду і службовых жылых памяшканняў.

Сяргей КУРКАЧ

Выбар рэдакцыі

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне. 

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».