Вы тут

Першыя паверхі некаторых сталічных дамоў будуць падмятаць штодня


Жыллёва-эксплуатацыйныя ўчасткі (ЖЭУ) з усіх раёнаў Мінска выбралі ЖЭСы, работнікі якіх з 18 лютага да 25 сакавіка будуць рэалізоўваць «уборачны» жыллёва-камунальны праект. Асобныя брыгады, сфарміраваныя з работнікаў камунальных службаў, будуць працаваць на ўборцы прыдамавых тэрыторый і дапаможных памяшканняў.


Тарыф на ўборку пад'ездаў у доме цяпер складае 65 капеек у месяц з кожнага жыхара, старэйшага за сем гадоў. Верхняя яго мяжа — 65 капеек, аднак пасля таргоў па выбары выканаўцы гэтай паслугі цана на яе змяншаецца. У кожным раёне яна розная, і пад яе разлічваецца перыядычнасць уборкі. Сёння прыбіральшчыкі павінны тры разы на тыдзень падмятаць пад'езды, раз на месяц — мыць іх, а раз на год — мыць вокны, а таксама штомесяц праводзіць дэзынфекцыю і дэратызацыю падвалаў і смеццекамер.

Практыка паказала, што сумы, якая плаціцца цяпер жыхарамі за ўборку, не хапае, каб утрымліваць пад'езд у належным санітарным стане, таму камунальнікі і пайшлі на такі эксперымент, расказала Валянціна БАРКОЎСКАЯ, намеснік генеральнага дырэктара па добраўпарадкаванні, санітарным утрыманні жыллёвага фонду ДА «Мінская гарадская жыллёвая гаспадарка»:

— Для эксперымента выдзеляць неабходную колькасць людзей, якія, выконваючы ўсе свае абавязкі якасна, змогуць атрымаць прыстойны заробак не менш як 650 рублёў. Прыдамавыя работы будуць весціся, як звычайна, у залежнасці ад сезона і выдзеленага фінансавання: расчыстка снегу, пакос газонаў і прыбіранне выпадковага смецця, прыбіранне лісця. А вось уборка дапаможных памяшканняў, якая аплачваецца насельніцтвам, будзе на час эксперымента праходзіць па-новаму. Штодня ў пэўных дамах рабочы будзе прыбіраць усе першыя паверхі, два пад'езды — цалкам мыць з першага да апошняга паверха. Яго дзённая норма будзе выглядаць, напрыклад, так. Штодня з 50 пад'ездаў пяціпавярховікаў ён будзе падмятаць першы паверх у 48 пад'ездах і ў той жа дзень два пад'езды замяце і памые цалкам.

Каб даведацца, наколькі ўдалым і эфектыўным акажацца праект, жыллёва-камунальныя службы раёнаў як заказчыкі эксперымента да яго завяршэння будуць штодня кантраляваць выкананне работ. Звернуць увагу і на тое, ці зменіцца колькасць скаргаў ад грамадзян на няякасную ўборку.

— Калі чалавек уваходзіць у пад'езд і бачыць раскіданую рэкламу, а пад нагамі ў яго хрусціць пясок, гэта кепска. А калі прыбірацца на першых паверхах будуць штодня, то і вынік будзе адразу відаць. Магчыма, мы і людзей прывучым да таго, каб яны не выкідвалі са скрыняў рэкламу на падлогу, а ставіліся беражліва да дома, — мяркуе спецыяліст.

Ірына СІДАРОК

Загаловак у газеце: Эксперымент па ўборцы пад'ездаў

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.