Вы тут

Больш як 130 старшакласнікаў ахопіць праект "Студэнт БДУ на тыдзень"


Прафарыентацыйная акцыя пройдзе з 25 па 29 сакавіка на 16 факультэтах універсітэта. Яе галоўная мэта — дапамагчы абітурыентам у выбары будучай прафесіі.


Гасцей чакаюць на біялагічным, геаграфічным, гістарычным, механіка-матэматычным, філалагічным, фізічным, хімічным, эканамічным факультэтах, факультэце журналістыкі, міжнародных адносін, прыкладной матэматыкі і інфарматыкі, радыёфізікі і камп'ютарных тэхналогій, сацыякультурных камунікацый, філасофіі і сацыяльных навук, а таксама ў Інстытуце бізнесу і Міжнародным дзяржаўным экалагічным інстытуце імя А.Д. Сахарава.

У гэтым годзе з агульнай колькасці слухачоў 76 школьнікаў з'яўляюцца іншагароднімі. Самыя актыўныя аказаліся старшакласнікі з Гомеля, Брэста і Магілёва. Ужо становіцца добрай традыцыяй удзел у праекце абітурыентаў з іншых краін. Са студэнцкім жыццём у БДУ раней пазнаёмілася дзяўчына з Літвы, а ў гэтым сезоне ВНУ наведаюць дзве расіянкі.

На працягу пяці дзён старшакласнікі будуць наведваць розныя курсы і спецыяльнасці, праслухаюць лекцыі і паспрабюць выканаць практычныя заданні на роўных са студэнтамі ўніверсітэта. Абітурыенты сустрэнуцца таксама з прадстаўнікамі прыёмнай камісіі БДУ і пазнаёмяцца з адміністрацыяй універсітэта. Таксама ў праграму ўключаны мерапрыемствы, якія пазнаёмяць гасцей са студэнцкій жыццём і пазанавучальнай дзейнасцю факультэтаў.

Усяго для ўдзелу ў праекце было даслана каля 300 заявак. Абітурыентаў адбіралі  па выніках матывацыйных лістоў з аргументацыяй на тэму "Чаму я хачу стаць студэнтам БДУ на тыдзень?”. Самым папулярным у школьнікаў стаў факультэт міжнародных адносін: на ім  конкурс склаў пяць чалавек на месца.

Праект праводзіцца ў шосты раз. Усяго за трохгадовую гісторыю акцыі ў ёй прынялі ўдзел каля 300 старшакласнікаў. Чвэрць з іх сталі студэнтамі Белдзяржуніверсітэта.

Надзея НІКАЛАЕВА

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.