Вы тут

Зацікаўленасць у эфектыўным партнёрстве


Старшыня Савета Рэспублікі Міхаіл Мясніковіч абмеркаваў пытанні гандлёва-эканамічнага, інвестыцыйнага і гуманітарнага супрацоўніцтва з Надзвычайным і Паўнамоцным Паслом Арменіі ў Рэспубліцы Беларусь Арменам Гевандзянам.


Як паведамляе прэс-служба Савета Рэспублікі, падчас сустрэчы бакі аддалі асаблівую ўвагу пабудове ўзаемавыгаднага інтэграцыйнага ўзаемадзеяння ў рамках ЕАЭС.

Беларусь зацікаўлена ў больш эфектыўным партнёрстве з Арменіяй у інвестыцыйнай сферы, адзначыў Міхаіл Мясніковіч.

— Нам трэба не проста гандляваць паміж сабой, а ствараць сумесныя кампаніі, каб бізнес нашых краін больш актыўна працаваў адзін з адным, — адзначыў старшыня Савета Рэспублікі. — Пакуль сумесных інвестпраектаў няшмат, а тыя, што ёсць, часцяком рэалізуюцца ў вельмі павольным рэжыме.

— Трэба рухацца больш канкрэтна, быць можа, — па шляху невялікіх праектаў, напрацоўваць гэты вопыт, — прапанаваў ён.

Акрамя таго, на сустрэчы абмяркоўваліся пытанні паставак у Арменію тэхнікі МТЗ і БелАЗа, разглядаліся магчымасці сумеснай вытворчасці прадукцыі машынабудавання для далейшага выхаду на рынкі трэціх краін.

Не засталіся па-за ўвагай і пытанні ўзаемадзеяння ў галіне навукі і інавацый, медыцыны, адукацыі. Асобна закранулі тэму пашырэння маладзёжных кантактаў паміж краінамі, у тым ліку па лініі маладзёжнага парламентарызму.

Між іншым, развіццю міжпарламенцкіх сувязяў надаецца вялікае значэнне. Як заўважыў Армен Гевандзян, Арменія зацікаўлена ва ўмацаванні парламенцкіх кантактаў з нашай краінай. Гэта спрыяе прасоўванню міждзяржаўнага супрацоўніцтва.

— Важна, каб наша міжпарламенцкая камісія працягвала сваю працу, якая носіць планамерны, рэгулярны характар. Камісія заўсёды разглядае актуальныя для нас пытанні. Важнае таксама ўзаемадзеянне і ў рамках міжурадавай камісіі, — падкрэсліў дыпламат і выказаў гатоўнасць стаць сувязным звяном у арганізацыі гэтай працы.

У сваю чаргу Міхаіл Мясніковіч дадаў, што беларускі бок заўсёды адкрыты для абмеркавання любых пытанняў.

— Са свайго боку будзем аказваць усялякае садзейнічанне, каб ваша праца на пасадзе пасла была эфектыўнай, — рэзюмаваў ён.

Фота БЕЛТА

Выбар рэдакцыі

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.

Грамадства

Першыя беларускія Соdе Сlub далучыліся да сусветнага руху

Першыя беларускія Соdе Сlub далучыліся да сусветнага руху

Як з дапамогай кода стварыць уласную анімацыю і «ажывіць» касмічны карабель? 

Грамадства

Як Віцебшчына развівае стасункі з Кітаем

Як Віцебшчына развівае стасункі з Кітаем

Наш карэспандэнт пастараўся згадаць самыя цікавыя прыклады сумеснай рэалізацыі праектаў.

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.