РУП "Белтэлекам" з 3 мая павышае кошт паслуг, паведамляе сайт кампаніі.
Кошт паслуг доступу ў інтэрнэт і пакетаў паслуг электрасувязі павялічыцца ў сярэднім на 4 працэнты. Кошт паслуг тэлеграфнай сувязі, міжнародных тэлефонных злучэнняў (у тым ліку па пропуску трафіку аператараў электрасувязі Беларусі на сеткі замежных аператараў), паслуг тэлебачання, выхад на абанентаў сотавай рухомай электрасувязі, даведачна-інфармацыйных паслуг і іншых дадатковых паслуг электрасувязі павялічыцца ў сярэднім на 5 працэнтаў.
Павышэнне не закране тарыфы на рэгулюемыя паслугі мясцовай і міжгародняй тэлефоннай сувязі, паслугі доступу ў лінейна-кабельныя збудаванні, доступу ў інтэрнэт з гарантаванай паласой прапускання.
З абноўленымі тарыфамі можна азнаёміцца на сайце "Белтэлекама".
"Тарыфная палітыка кампаніі "Белтэлекам" накіравана на максімальнае стрымліванне росту цэн. Аднак пастаяннае развіццё тэлекамунікацыйных тэхналогій і забеспячэнне гарантавана высокай якасці паслуг немагчыма без мадэрнізацыі сеткі, набыцця сучаснага абсталявання, распрацоўкі новых тэхнічных рашэнняў і паслуг", - пракаменціравалі павышэнне кошту паслуг у кампаніі.
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.