Вы тут

Надвор'е: кароткачасовыя дажджы, месцамі навальніцы


На гэтым тыдні ўплыў на надвор'е ў краіне аказваў антыцыклон, цэнтр якога размяшчаўся над еўрапейскай тэрыторыяй Расіі. Стаяла цёплае і сухое надвор'е. У гэты час тэмпературны фон быў на 3—5 градусаў вышэй кліматычнай нормы, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


А сёння ўдзень надвор'е ў краіне ў асноўным будзе вызначаць вобласць павышанага атмасфернага ціску, толькі ў заходніх раёнах адаб'ецца ўплыў малаактыўнага франтальнага раздзелу. На большай частцы тэрыторыі істотных ападкаў не прагназуецца, толькі месцамі па Брэсцкай і Гродзенскай абласцях пройдуць кароткачасовыя дажджы. Максімальная тэмпература паветра будзе як летам — ад плюс 21 градуса да плюс 27 градусаў.

На наступны дзень надвор'е пачне мяняцца. У суботу краіна апынецца ў полі паніжанага атмасфернага ціску, сфармаваным у цёплай няўстойлівай паветранай масе. Уначы месцамі, а ўдзень на большай частцы тэрыторыі краіны пройдуць кароткачасовыя дажджы, у некаторых раёнах з навальніцамі. Тэмпература паветра ўначы будзе ад плюс 7 да плюс 14 градусаў, удзень — 19—26 цяпла. Свежае паветра прыйдзе да нас у нядзелю. У гэты дзень надвор'ем будуць кіраваць маларухомыя франтальныя сістэмы. У большасці раёнаў краіны чакаюцца кароткачасовыя дажджы, у асобных раёнах месцамі магчымы навальніцы. Тэмпература паветра ўначы складзе 8—13 цяпла, а ўдзень стане ад плюс 14 да плюс 20 градусаў, толькі месцамі — да 24 градусаў вышэй за нуль.

У пачатку наступнага тыдня вясна праявіць свой зменлівы нораў і істотна пахаладае. Наша краіна апынецца на перыферыі скандынаўскага антыцыклону, які быў сфарміраваны ў халаднаватым паветры паўночных шырот, а ў паўднёвых рэгіёнах Беларусі яшчэ захаваецца ўплыў франтальнага падзелу.

Сяргей КУРКАЧ

Выбар рэдакцыі

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».

Грамадства

Першая зімоўка на Паўднёвым полюсе можа адбыцца ў 2020 годзе

Першая зімоўка на Паўднёвым полюсе можа адбыцца ў 2020 годзе

«Знаходжанне беларускіх палярнікаў у Антарктыдзе — гэта не вандроўка натуралістаў».

Спорт

Апублікаваны даведнік «Мінск» — карысны для турыстаў і падарожнікаў

Апублікаваны даведнік «Мінск» — карысны для турыстаў і падарожнікаў

Ён быў падрыхтаваны адмыслова напярэдадні II Еўрапейскіх гульняў.

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.