Сезон вячэрніх кінапаказаў у Верхнім горадзе стартуе 25 мая

Новы сезон кінапаказаў на адкрытым паветры на тэрыторыі Верхняга горада ў Мінску стартуе 25 мая, піша БЕЛТА са спасылкай на Мінгарвыканкам. 

Праект "Open air CINEMA", як і мінулыя гады, падорыць мінчанам і гасцям магчымасць штотыднёва ўвечары глядзець у дворыку атэля "Манастырскі" кінакарціны розных жанраў. 

Асаблівае месца зоймуць работы айчынных рэжысёраў, паколькі ў бягучым годзе беларускаму кінематографу споўніцца 95 гадоў.

Першай карцінай, якая будзе паказана на свежым паветры ў суботу, 25 мая, стане гісторыка-біяграфічны фільм "Я, Францыск Скарына" Барыса Сцяпанава.

• Уваход на сеансы свабодны, пачатак у 21.00.

Арганізатарам мерапрыемства выступае УП "Кінавідэапракат" пры падтрымцы Мінгарвыканкама.