Вы тут

Віцебск адзначыў 1045-годдзе


Першыя мерапрыемствы правялі 26 чэрвеня. Улічваючы, што свята супала з юбілеем вызвалення Беларусі, шмат мерапрыемстваў было прысвечана яму.


Фо­та Аляк­сея Спат­кая.

Старшыня Віцебскага гарвыканкама Віктар Нікалайкін на сустрэчы з ветэранамі Вялікай Айчыннай, былымі падпольшчыкамі, працаўнікамі тылу ад імя гараджан падзякаваў за гераізм, якія яны праявілі ў барацьбе з акупантамі. Мэр нагадаў, што ў 1941—1944 гадах у Віцебску дзейнічала пяць лагераў смерці. Там было знішчана, памерла ад хвароб каля 200 тысяч чалавек. Гэта больш, чым было насельніцтва ў горадзе да вайны. Для параўнання, у Віцебску цяпер каля 380 тысяч жыхароў.

У адзін са святочных дзён адбылася вельмі знакавая падзея: адкрыццё памятнага знака, прысвечанага 75-годдзю партызанскага парада ў Віцебску. Яго можна лічыць унікальным, бо, як вядома, такі парад быў яшчэ толькі ў Мінску. Старшыня Віцебскага абласнога Савета дэпутатаў Уладзімір Цярэнцьеў на цырымоніі адкрыцця паведаміў, што робіцца для рамонту і рэканструкцыі на тэрыторыі мемарыялаў і воінскіх пахаванняў, падкрэсліў, што традыцыя ўвекавечваць тое, што звязана з вайной, працягваецца, дзякуючы краязнаўцам, музейным работнікам, пошукавікам.

Сёлета вельмі маштабнай стала рэканструкцыя таго, што адбылося падчас вызвалення горада. Тысячы людзей прыйшлі пагля-дзець, як актывісты з гурткоў ваеннай рэканструкцыі паказвалі фрагменты бою за горад...

У святочным Віцебску можна было «перанесціся ў часе», убачыць быт савецкіх байцоў пад музыку 1930—1950-х гадоў. Гэта асабліва кранула сэрцы ветэранаў вайны, тых, хто быў маленькі ў тыя гады.

За пяць дзён святкавання арганізатары правялі сотні мерапрыемстваў. І, што цікава, не толькі ў цэнтры горада, але і ў мікрараёнах. Вельмі цікавай была выстаўка рэтра-аўтамабіляў, шмат гараджан прыйшло на свята гарадской газеты «Віцьбічы», інтэрактыўныя пляцоўкі выратавальнікаў, ДАІ.

Арганізавалі і першы адкрыты маладзёжны фестываль харэаграфіі. Шмат гледачоў сабралі спартыўныя мерапрыемствы: кубак горада па пляжным футболе і чэмпіянат па стрытболе, спаборніцтвы па лоўлі рыбы.

Вельмі спадабаліся гараджанам і гасцям горада дэгустацыі і продаж тавараў ад мясцовых вытворцаў.

У рамках праекта «Віцебск турыстычны» адбылася прэзентацыя экскурсійных маршрутаў, якіх, між іншым, з кожным годам становіцца ўсё больш.

Відовішча дапоўнілі госці з Латвіі, якія прывезлі з сабой народнае свята «Ліга».

Аляксандр ПУКШАНСКІ

Загаловак у газеце: Свята з ранку да ночы

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.

Спорт

Як у Бабруйску рыхтуюць будучых чэмпіёнаў

Як у Бабруйску рыхтуюць будучых чэмпіёнаў

Менавіта з Бабруйска выйшлі прызёры самых прэстыжных сусветных турніраў па веславанні, барацьбе, боксе, шахматах, лёгкай і цяжкай атлетыцы.

Грамадства

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Летась у Мінскай вобласці адлавілі больш за пяць тысяч бадзяжных жывёл, толькі 203 з іх знайшлі свой дом. Толькі ўявіце сабе, як лічбы адлову павялічваюцца ў маштабах усёй краіны!