25 верасня, пятніца

Вы тут

У моладзевым «базарным» забегу ўзялі ўдзел 150 чалавек


У фестывальным Віцебску ўчора і сёння (12-13 ліпеня) на «базары» — Дні моладзі. Традыцыйная акцыя ў гэтым годзе больш працяглая (не адзін, а два дні), маштабная, крэатыўная, у арганізатараў пры гэтым амбіцыйныя планы.


Як адзначыў першы сакратар ЦК БРСМ Дзмітрый Варанюк, будзе зробена многае, каб з часам Дні моладзі сталі самай цікавай падзеяй на фестывалі. Галоўнае, што ва ўдзельнікаў ёсць шчырае жаданне гэтага. І вельмі важна, што на ўзроўні кіраўнітцва мясцовай улады абласнога ўзроўню ёсць разуменне важнасці мерапрыемства. Ва ўсім аператыўна і ўсебакова аказваецца падтрымка.

Намеснік старшыні Віцебскага аблвыканкама Уладзімір Пенін шчыра павіншаваў удзельнікаў. Падкрэсліў, што акцыя пашыраецца: стала больш пляцовак, дзе праводзяць спаборніцтвы, конкурсы, канцэрты. Як і ўдзельнікаў. Віце-губернатар адзначыў, што моладзь павінна працягваць найлепшыя традыцыі старшых пакаленняў. І гэта робіццца падчас патрыятычных акцый, сустрэч з ветэранамі... І добра, што ў Віцебску ёсць магчымасць прадэманстраваць свае таленты, завесці новых сяброў, атрымаць прыемня ўражанні...

Кіраўнік дырэкцыі фестывалю Глеб Лапіцкі падкрэсліў, што самыя яскравыя моманты Дзён моладзі можна будзе ўбачыць на адной з самых вялікіх плошчаў Еўропе — Перамогі. Ён адзначыў, што ў дырэкцыі былі рады разам з кіраўніцтвам самай масавай моладзевай арганізацыі Беларусі прадстаівць такі цікавы прект у новым фармаце.

Сярод іншых падзей сённяшні забег на 2,5 км. У ім бралі ўдзел 150 чалавек. Перамог віцяблянін, ваеннаслужачы Дзяніс Валяк, член нацыянальнай каманды Узброенных Сіл па пяцібор’ю...

Вялікі інтарэс на плошчы выклікала выстава рэтра-аўтамабіляў.

Цікава, што ўпершыню адбудзецца і аўтамабільнае шоў па аўтагукавому спорту. Каля сарака ўдзельнікаў з Беларусі. Латвіі і Расіі выказалі жаданне здзівіць моцам гукаў матораў.

Вельмі шмат гледачоў ля пляцовак, дзе праводзяцца воркаўт-турнір, спаборнітвы па баскетболу 3 на 3.

Адбудзецца і музычны фэстываль «Саюз моладзі» з удзелам кавер-бендаў. Праграма вельмі насычаная.

А ў фінале свята — выступленне папулярных беларускіх гуртоў. Білеты на шоу купляць не трэба, як і на іншыя мерапрыемствы.

Аляксандр ПУКШАНСКІ

Фота Ганны Занкавіч

Выбар рэдакцыі

Грамадства

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Культавая пабудова, якая будзе асвечана на свята Пакроваў у гонар свяціцеля Патрыка, асветніка зямлі Ірландскай, ужо цалкам гатова, засталося толькі упрыгожыць храмавыя сцены іконамі.

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».