У Індыі хлопец утапіў падораны бацькам BMW, бо хацеў Jaguar (відэа)

22-гадовы хлопец з Індыі ўтапіў у рацэ новы BMW трэцяй серыі, бо хацеў атрымаць у падарунак Jaguar, паведамляе тэлеканал АНТ са спасылкай на выданне ND TV.

Акаш святкаваў свой дзень нараджэння. Бацька падарыў сыну новы аўтамабіль BMW. Аднак такому падарунку Акаш не ўзрадаваўся, а нават знерваваўся. Малады чалавек хацеў аўтамабіль Jaguar, у які б змясціліся ўсе яго сябры. Хлопцу так моцна не спадабаўся падарунак, што ён вырашыў яго ўтапіць на злосць бацькам і дзеля весялосці.

Акаш адправіўся на BMW да ракі і заехаў на аўто прама ў ваду. Мясцовыя жыхары назіралі за інцыдэнтам. Такі аўтамабіль мог дастацца ім толькі ў марах.

Спачатку новы BMW плаваў на мелкаводдзі. Затым адзін мінак нават паспрабаваў яго выцягнуць. Тут вада хлынула ў салон і транспарт сышоў на дно.

• Дарэчы, кошт BMW трэцяй серыі ў Індыі складае каля 44 тысяч еўра. Малады чалавек запісаў свой учынак на відэа, пасля чаго апублікаваў яго ў сацсетцы. Многія карыстальнікі адзначылі, што Акаш вельмі распешчаны сын. Бацька сам растлумачыў СМІ, што не купіў Jaguar, таму што такі аўтамабіль каштуе даражэй.

Watch: when a #Haryana ka chhora dumped his #BMW in the river because his father wouldn’t buy him a #Jaguar. pic.twitter.com/pVFGIpmY0N

— Shamsher Kainth (@shamsherkainth) August 13, 2019