Вы тут

Пад Гомелем адкрылі памятны знак ваенным разведчыкам


Байцам нябачнага фронту прысвячаецца памятны знак, адкрыты пад Гомелем, у прыгожым мястэчку Чонкі, на тэрыторыі аднайменнага санаторыя

Ён нагадвае пра савецкага ваеннага дзеяча Ілью Старынава і Аператыўна-навучальны цэнтр, які дзейнічаў тут у ліпені — жніўні 1941 года пры штабе Заходняга і Цэнтральнага франтоў. Ініцыяваў устаноўку валуна член Пастаяннай камісіі па дзяржаўным будаўніцтве, мясцовым самакіраванні і рэгламенце Палаты прадстаўнікоў Нацыянальнага сходу Беларусі Павел Ждановіч:


— Ідэя ўвекавечання памяці ваенных разведчыкаў, большасць імёнаў якіх невядома, з'явілася яшчэ ў 2005 годзе. Абрэвіятурай АНЦ — Аператыўна-навучальны цэнтр — мы хацелі аддаць даніну памяці ўсім, чый подзвіг у імя Радзімы застаўся невядомы, але ўнёсак у перамогу неацэнны. На тэрыторыі Гомельшчыны дзейнічалі два падраздзяленні цэнтра — у Маркавічах, дзе праходзіла навучанне частка вайскоўцаў 53-га палка НКУС, а ў Мазыры дыверсійнай рабоце ў тыле ворага вучылі жанчын.

У Аператыўна-навучальным цэнтры ў Чонках падрыхтавалі больш за дзве тысячы дыверсантаў, разведчыкаў і падрыўнікоў, каля 60 разведвальна-дыверсійных груп для дзейнасці ў тыле ворага. А пазней — і інструктараў для работы ў падобных цэнтрах у Курскай, Маскоўскай, Арлоўскай, Смаленскай, Тульскай, Чарнігаўскай абласцях...

Палкоўнік Ілья Старынаў — савецкі ваенны дзеяч, адзін з заснавальнікаў часцей спецыяльнага прызначэння, прафесар. Узнагароджаны двума ордэнамі Леніна, пяццю ордэнамі Чырвонага Сцяга, Кастрычніцкай Рэвалюцыі, Айчыннай вайны ІІ ступені, Дружбы народаў, а таксама іншымі ордэнамі і медалямі. Удзельнік Грамадзянскай вайны, баявых дзеянняў у Іспаніі, савецка-фінляндскай і Вялікай Айчыннай войнаў.

— Палкоўніка Ілью Старынава называлі «дыверсантам № 1 у свеце», якога Адольф Гітлер зваў сваім асабістым ворагам, — кажа старшыня Беларускага грамадскага аб'яднання «Ветэраны ваеннай разведкі», палкоўнік у адстаўцы Аляксандр Бітус. — Старынаў усё жыццё прысвяціў ваеннай справе, арганізаваў падрыўную дзейнасць на акупаванай фашысцкімі захопнікамі тэрыторыі. Ён стаяў каля вытокаў стварэння падраздзяленняў сіл спецыяльнага прызначэння «Вымпел», «Альфа» і іншых.

Цікава, Што Ілья Старынаў пражыў 100 гадоў (1900—2000). Пасля выхаду ў адстаўку ён да 87 гадоў выкладаў у вучэбных установах КДБ і пісаў кнігі. У іх ліку і мемуары, дзе расказваў пра сваё доўгае жыццё, насычанае прыгодамі.

Трохразовым ружэйным залпам і хвілінай маўчання прысутныя ўшанавалі памяць герояў-вызваліцеляў.

Ірына АСТАШКЕВІЧ

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.