Вы тут

​У Магілёве прайшоў фестываль дранікаў


Пачаставацца самай вядомай бульбяной стравай на этна-хутары «Зялёны гай» падчас Drаnіkfеst арганізатары — Цэнтр гарадскіх ініцыятыў — запрашалі сёлета пяты раз. На свята смачнай ежы і добрага настрою штогод збіраецца некалькі тысяч гасцей.


Па духмяныя дранікі — бясплатныя — ствараліся чэргі, якім мог пазайздросціць любы супермаркет. Наплыў гасцей тлумачыцца не толькі смакавымі патрэбамі, але і цікавымі спаборніцтвамі, майстар-класамі, выдатнымі фотазонамі, цудоўнай музыкай.

У батле па прыгатаванні «герояў» свята змагаліся шэсць камандаў, якія бадай што цэлы дзень завіхаліся, каб задаволіць падагрэтыя свежым паветрам і маляўнічымі краявідамі апетыты гасцей. Пераможцам стала «Мясарубка» — калектыў адной з магілёўскіх кампаній. Яны гавораць, што смажыць пачалі яшчэ аб 11-й гадзіне і скончылі толькі ў пяць.

— Мы любім удзельнічаць у розных мерапрыемствах, асабліва беларускіх. І заўзята падтрымліваем беларускую кухню, — кажа Анжэла Школьнік, дырэктар магілёўскай кампаніі «Метагарант», якая стала пераможцам фестывалю. — Два мяхі бульбы проста на рабоце абабралі напярэдадні фестывалю. А сёння ўжо з пяці раніцы па дамах надралі яе, каб была свежая. Што гэта за дранік, які гатаваўся ўчора!

Летась на дранік-фэсце расходавалі 6,5 тысячы аднаразовых талерак пад дранікі, па якіх і вёўся падлік пераможцаў. Сёлета набылі 10 тысяч, і іх не хапіла да канца фестывалю.

Ірына СІДАРОК

Фота аўтара

Загаловак у газеце: ​Дранікам — пашана

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.