Вы тут

Трансфармацыя свядомасці


Як будзе развівацца беларуская ІТ-сфера ў бліжэйшы час і на перспектыву? Зацікаўленая размова пра гэта ішла на нарадзе ў Прэзідэнта.


Пенсіянерка з Лагойшчыны не хавае здзіўлення. Днямі пачула, што ў краіне ствараецца электронны ўрад. І калі мы наведаліся да яе ў госці, Раіса Цімафееўна, накрыўшы стол, паціху выпытвае: то як жа гэта будзе?.. Няўжо электроніка ва Урадзе й чыноўнікаў заменіць?

А між тым і сапраўды сярод пытанняў, што абмяркоўваліся ў Прэзідэнта, было й пра электронны ўрад. Аляксандр Лукашэнка нагадаў, што працы ў ІТ-тэматыцы яшчэ многа. “Якраз таму ў пяцігадовай праграме сацыяльна-эканамічнага развіцця інфарматызацыя выдзелена як адзін з прыярытэтаў, — падкрэсліў ён. — Пакуль у гэтым кірунку пахваліцца асабліва няма чым. Хоць на пятым Усебеларускім народным сходзе была пастаўлена задача: да 2020 года стварыць паўнацэнны электронны ўрад”.

Вядома ж, любыя змены ў жыцці немагчымыя без зменаў у нашай свядомасці. Ну неяк звыкліся ж продкі з тым, што “наступалі” цягнікі, аэрапланы, электрычнасць, радыё, тэлебачанне… Так і “лічбу” варта прыняць. Зразумець: без яе — ніяк. Па вялікім рахунку, гаварылі на той нарадзе пра лічбавую трансфармацыю грамадства. Пры тым патрэбна глыбокая трансфармацыя свядомасці людзей. Каб не хавалі галаву ў пясок пад наступам гаджэтаў, сэрвісаў, банкінгаў, біткойнаў — адаптаваліся да іх. Прывучваліся ва ўсім разбірацца: што называецца, плаваць у моры сучасных ІТ-тэхналогій. Прычым з карысцю, радасцю, задавальненнем.

Нарада стала працягам красавіцкай сустрэчы Прэзідэнта з прадстаўнікамі ІT-сферы ў Парку высокіх тэхналогій. Што маем па выніках? Будзе створана ў краіне першая ІТ-ВНУ. І можа з’явіцца магчымасць перавучваць спецыялістаў для ІТ-сферы за кошт крэдытаў Парка высокіх тэхналогій. Хочаш добра зарабляць? Вучыся, трансфармуй свядомасць. Дарэчы, і Міністэрства сувязі ды інфарматызацыі трансфармуецца: яму надаюць паўнамоцтвы па дзяржрэгуляванні лічбавай сферы, яно “будзе займацца развіццём лічбавізацыі”, удакладніў першы намеснік Прэм’ер-міністра Аляксандр Турчын. Гэта як адказ на прапанову ІТ-супольнасці аб стварэнні ў краіне асобнага міністэрства лічбавай эканомікі.

Што да адукацыі, то і рэзідэнты ПТВ значна павялічаць яе падтрымку. Цікавыя, “стратэгічныя” прапановы на гэты конт ёсць у аднаго з рэзідэнтаў — кампаніі “Сакрамент ІТ”. Нядаўна мы гутарылі з яе дырэктарам. “Каб стабільна развівалася Беларусь на бліжэйшыя гадоў 30, варта супольна выпрацоўваць галоўныя прынцыпы, “магістралі” руху ў эканоміцы, сацыяльным жыцці, — лічыць Валеры Ягораў. — На мой погляд, найперш заслугоўваюць увагі адукацыя (пра што і гаварылі на нарадзе), культура (без яе няма народа…), навука, інавацыйныя тэхналогіі, экалогія. Пад “рэйкі” пяці “магістральных шляхоў прагрэсу” падкладзем моцныя “шпалы”: нацыянальныя праекты. Яны фінансуюцца дзяржавай па прыярытэтным прынцыпе. Фінансаванне, рэалізацыю праектаў могуць весці і прыватныя кампаніі, але ўзгоднена з дзяржавай. Для ўсіх арганізацый, асоб, якія “будуюць магістралі”, дзяржава стварае асаблівыя падатковыя ўмовы (аналагічныя ўмовам ПВТ). Хто колькі інвеставаў “у магістраль” — таму такая сума выключаецца з падатку на прыбытак. А каб паўдзельнічаць у праекце, кампанія падае заяўку, праходзіць яе экспертыза на спецыялізаваным экспертным савеце”.

Дарэчы. Зяць збіраецца ўжо сёлета падарыць Раісе Цімафееўне камп’ютар. Спадзяемся, яна сама пагугліць-пачытае, што такое электронны ўрад. Бо трансфармаваць жа свядомасць варта не толькі тым дзяржчыноўнікам — кожнаму з нас.

Іван Ждановіч

Фота БЕЛТА

Выбар рэдакцыі

Грамадства

Магілёўская вобласць ушанавала лідараў уборачнай кампаніі

Магілёўская вобласць ушанавала лідараў уборачнай кампаніі

У Дзень работнікаў сельскай гаспадаркі і перапрацоўчай прамысловасці АПК.

Грамадства

Хворым на фенілкетанурыю могуць палепшыць забяспячэнне прадуктамі харчавання

Хворым на фенілкетанурыю могуць палепшыць забяспячэнне прадуктамі харчавання

Міністэрства аховы здароўя адказала на публікацыю «Звязды».