Вы тут

У БДУІР абмеркавалі пытанні інклюзіўнай ІТ-адукацыі


ІІІ Міжнародная навукова-практычная канферэнцыя «Бесперапынная прафесійная адукацыя для людзей з асаблівымі патрэбамі» прайшла ў Інстытуце інфармацыйных тэхналогій БДУІР. Яна аб'яднала экспертаў з Беларусі, Расіі, Швейцарыі, Узбекістана, Латвіі і Польшчы.


— Наша мерапрыемства прысвечана ў першую чаргу пытанням, звязаным з інклюзіўнай адукацыяй і пашырэннем даступнасці прафесійнай адукацыі для асоб з асаблівымі адукацыйнымі патрэбамі. Але не толькі навучальныя матэрыялы павінны быць сёння адаптаваныя для ўсіх членаў грамадства. Не менш важнае пытанне — фарміраванне экаасяроддзя для прафесійнага і творчага развіцця асобы, — падкрэсліў падчас адкрыцця канферэнцыі рэктар БДУІР Вадзім БОГУШ.

Прывітальнае слова міністра замежных спраў Беларусі, старшыні Нацыянальнай камісіі па справах ЮНЕСКА Уладзіміра Макея зачытала адказны сакратар Нацыянальнай камісіі Наталля Шчасновіч: «Інклюзіўная адукацыя ў Беларусі з'яўляецца прыярытэтнай для падрыхтоўкі кадраў новага пакалення, здольных забяспечыць адаптацыю ва ўмовах лічбавай трансфармацыі. Хуткі рост сучасных тэхналогій патрабуе ад асоб з асаблівымі патрэбамі, як і ад усяго насельніцтва ў цэлым, новых кампетэнцый, якія дазваляюць бязбольна ўключацца ў сучасныя працэсы».

Сёлета тэматыка канферэнцыі значна пашырылася. У цэнтры ўвагі былі пытанні не толькі інклюзіўнай ІT-адукацыі, але і сацыялізацыі інвалідаў у грамадстве.

Падчас мерапрыемства эксперты абмеркавалі dіgіtal skіlls і soft skіlls для асоб з асаблівымі патрэбамі ва ўмовах лічбавай трансфармацыі, развіццё інклюзіўнай адукацыі з выкарыстаннем інфармацыйна-камунікацыйных тэхналогій.

Удзельнікі з розных краін абмяняліся перадавым вопытам, які дазволіць разам зрабіць крок наперад, пераадолець лічбавы разрыў і стварыць роўныя магчымасці для доступу да інфармацыі людзей з асаблівымі патрэбамі.

Гасцямі мерапрыемства сталі дзіцячы інклюзія-хор «Радасць душы», а таксама інваліды-калясачнікі, якія жывуць актыўным жыццём. Гэтыя людзі не па чутках знаёмыя з праблемамі інвалідаў і змаглі падзяліцца сваім бачаннем арганізацыі комплекснага падыходу да фарміравання безбар'ернага асяроддзя, паспяховай рэалізацыі асобаснага і прафесійнага развіцця, а таксама расказаць аб праблемах, якія іх хвалююць.

Свае прапановы і рэкамендацыі па выніках канферэнцыі ўдзельнікі плануюць прадставіць у Міністэрства адукацыі, Камісію па працы і сацыяльных пытаннях Палаты прадстаўнікоў Нацыянальнага сходу Беларусі для падрыхтоўкі праекта закона «Аб правах інвалідаў і іх сацыяльнай інтэграцыі».

Надзея НІКАЛАЕВА

Прэв'ю: edusteps.com.ua

Загаловак у газеце: Інклюзія: адукацыя і кар'ера

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.